12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Եթե կրակելով չեն գալիս, մենք հո չե՞նք կրակելու. ՔՊ-ական պատգամավոր․ ՏԵՍԱՆՅՈՒԹ
Քաղաքականություն
14.12.2022 | 13:03
«Խաղաղապահներն իրավունք ունեն ուժ կիրառելու, եթե ադրբեջանցիները կրակելով գային, բայց նրանք կրակելով չեն գալիս»,- լրագրողների հետ զրույցում այս կարծիքը հայտնեց «Քաղաքացիական պայմանագիր» խմբակցության պատգամավոր Հակոբ Ասլանյանը՝ անդրադառնալով ՌԴ խաղաղապահների գործողություններին՝ Ադրբեջանի կողմից Լաչինի միջանցքի փակելու հետ կապված։ Ասլանյանը հավելեց, որ եթե ռուս խախաղապահներն ուժ կիրառեն, նրանք խաղաղապահ չեն համարվի։
«Եթե մարդը կրակելով չի գալիս, դու չես կարող կրակել նրան»,- նշեց իշխանական պատգամավորը։ Նրա կարծիքով՝ առաջացած խնդիը կարող է լուծվել բանակցությունների միջոցով։
Անդրադառնալով հարցին՝ մի՞թե ադրբեջանցիների խումբը օրենքով է եկել փակել Լաչինի միջանցքը, որ նրանց նկատմամբ օրենքի շրջանակներում պետք է հայկական կողմը գործողություններ իրականացնի, Ասլանյանն արձագանքեց․ «Էդ ի՞նչ պրովոկացիոն հարցեր եք տալիս։ Ես ասացի՝ մենք օրենքով ենք անելու։ Ես ասացի՞ թուրքը օրենքով է արել։ Մենք չգիտե՞նք, որ թուրքը օրենքով չէ, մենք չգիտե՞նք թուրքին»։
Անդրադառնալով դիտարկմանը, որ իշխանությունը խոսում է խաղաղության դարաշրջանի բացման մասին, այդ նույն թուրքի հետ, Ասլանյանը պատասխանեց․ «Մի՞թե հնարավոր է դարեդար թշնամական վիճակի մեջ ապրել»։
Մանրամասները՝ տեսանյութում։
