25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Պետական ահաբեկչություն է․ Եվրախորհրդարանի պատգամավորը՝ Լաչինի միջանցքը փակելու մասին
Քաղաքականություն
14.12.2022 | 12:56
Եվրախորհրդարանի պատգամավոր Ֆրանսուա Քսավիե Բելամին թվիթերի իր միկրոբլոգում արված գրառմամբ անդրադարձել է Ադրբեջանի կողմից Լաչինի միջանցքը փակելու փաստին։
«Ոչ մի պատրվակ փաստերը չի թաքցնի։ Այս գիշեր Ադրբեջանը շարունակել է Լեռնային Ղարաբաղի 120.000 խաղաղ բնակիչներին պահել հումանիտար ճգնաժամի մեջ՝ փակելով մուտքի միակ ճանապարհը՝ ի հեճուկս ստանձնած պարտավորությունների, և անջատելով գազը՝ չնայած սառնամանիքին։ Պետական ահաբեկչություն է»,- գրել է պատգամավորը հեշթեգում նշալով՝ #Լաչին։
Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող միակ ճանապարհը` ոտնահարելով քաղաքացիական բնակչության կենսական շահերն ու իրավունքները:
Նշենք նաև, որ Ադրբեջանը երեկվանից դադարեցրել է Արցախի Հանրապետության գազամատակարարումը:
Անահիտ Խաչատրյան
