16.06.2026 | 20:15
Իրանի մաքսային ծառայության ղեկավարի հետ քննարկվել են Մեղրի-Նորդուզ սահմանային անցակետերի գործունեության հարցեր
Հայաստանը պետք է դիմի ընդհուպ ռազմական միջամտության. Արծվիկ Մինասյան․ ՏԵՍԱՆՅՈՒԹ
Քաղաքականություն
14.12.2022 | 12:12
Ընդդիմությունը Լաչինի միջանցքում ստեղծված իրավիճակի շուրջ արտահերթ նիստ է հրավիրում։ Այս մասին այսօր լրագրողների հետ զրույցում հայտնեց «Հայաստան» խմբակցության պատգամավոր Արծվիկ Մինասյանը։
Պատգամավորի խոսքով՝ երեկ նախագիծ է ներկայացվել «Քաղաքացիական պայմանագիր» խմբակցությանը։ Նախագիծը վերաբերում է Ադրբեջանի կողմից Լաչինի միջանցքը պարբերաբար փակելուն և սադրիչ գործողություններին, Արցախը շրջափակելուն, արցախահայությանը ցեղասպանական քաղաքականությամբ հարենազրկելու Ադրբեջանի վարքագիծը դատապարտելուն, ինչպես նաև միջազգային հանրությանը կոչ ուղղելուն և ռուս խաղաղապահ զորակազմին զորակցություն հայտնելուն ու նրանցից ավելի կոշտ արձագանք ակնկալելուն։
«Անհրաժեշտության դեպքում Հայաստանը պետք է դիմի ռազմական միջամտության»,- ընդգծեց Մինասյանը՝ հավելելով, որ այս պահին կա այդ անհրաժեշտությունը։
«Եթե մարդիկ մահանում են ցրտից, սովից ժամանակին բուժօգնություն չստանալուց, իհարկե, կա ռազմական միջամտության կարիք։ Եթե սա ցեղասպանության նախերգանք չէ, բա էլ ի՞նչ է ուրիշ․․․ Եթե Ադրրբեջանը իրականացնում է հայասպան քաղաքականություն, մենք, ի՞նչ է, ձեռքներս ծալած պետք է նստենք-սպասենք, թե ե՞րբ է ոչնչացնելո՞ւ»,- նշեց ընդդիմադիր պատգամավորը։
Հիշեցնենք՝ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Ադրբեջանը երեկ անջատել է նաև Արցախի ամբողջ տարածքի գազամատակարարումը։
Մանրամասները՝ տեսանյութում։
