21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Քոչարյանի գործով նյութերի թարգմանությունը դարձյալ բանավեճի առիթ դարձավ. ՏԵՍԱՆՅՈՒԹ
Հասարակություն
13.12.2022 | 14:31
Երևան քաղաքի ընդհանուր իրավասության դատարանի Շենգավիթի նստավայրում շարունակվում է ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործի քննությունը։
Պարզվեց, որ դատարանի հետ համագործակցող ընկերության կողմից ներկայացված փաստաբան Աստղիկ Գևորգյանը ֆինանսների մասնագետ է և իրավագետ, սակայն լեզվաբանի որակավորում չունի։
«Եթե անգլերեն լեզվի հետ թարգմանչի կապը հաստատող որևէ փաստաթուղթ չկա, թարգմանչի մասնակցությունը հնարավոր չէ։
Բայց խնդրում ենք դատարանին նաև թարգմանչական ծառայության հետ հարաբերությունները կարգավորել այնպես, որ դատական նիստերի դահլիճում չպարզենք, որ որպես թարգմանիչ ներկայացած անձը, որը շատ լավ տիրապետում է անգլերենին, դրա վերաբերյալ փաստաթուղթ չունի»,–ասաց դատախազ Գևորգ Բաղդասարյանը։
Արմեն Գևորգյանի փաստաբան Լուսինե Սահակյանը հավելեց, որ անձը կարող է լինել լեզվաբան, բայց թարգմանչի որակավորում չունենալ։
Կողմերը քննարկեցին նոր թարգմանիչ ներգրավվելու տարբերակները, որը գործի նյութերի հետ կապված ճշգրիտ թարգմանություն կիրականացնի։
Դատական նիստը կրկին հետաձգվեց։ Դատավոր Աննա Դանիբեկյանը նշեց, որ հաջորդ դատական նիստին դատարանը կապահովի բանավոր թարգմանություն իրականացնող թարգմանչի մասնակցությունը։
Հաջորդ դատական նիստը նշանակվեց դեկտեմբերի 20–ին ժամը 13։00–ին։
Հիշեցնենք` Ռոբերտ Քոչարյանը և Արմեն Գևորգյանը մեղադրվում են առանձնապես խոշոր չափերով կաշառք ստանալու համար, Արմեն Գևորգյանը նաև հանցավոր ճանապարհով ստացված գույքն օրինականացնելու մեջ և այդ մասով նիստը շարունակվելու է։ Քոչարյանը մեղադրվում է 3 միլիոն դոլար կաշառք ստանալու, Գևորգյանը՝ 1 միլիոն դոլար կաշառք ստանալու համար:
Մանրամասները՝ տեսանյութում։
