27.06.2026 | 16:59
Մեզ մոտենում են արևադարձային տաք օդային հոսանքներ, ջերմաստիճանը կհասնի 35-36 աստիճանի․ Սուրենյան
ՌԴ-ն ԱԳՆ-ն հուսով է, որ Թուրքիայում գազային հանգույցի ծրագիրը կիրագործվի
Քաղաքականություն
13.12.2022 | 22:26
Մոսկվան հուսով է, որ Թուրքիայում գազային հանգույցի ստեղծման ծրագիրը կիրականացվի, քանի որ դա արտադրողների և սպառողների շահերից է բխում։ Այս մասին ՌԻԱ Նովոստիին հայտնել է ՌԴ ԱԳ փոխնախարար Ալեքսանդր Գրուշկոն։
«Գազային հանգույցի մասով՝ դա բացարաձակ բաց գաղափար է։ Մենք հուսով ենք, որ այն կիրագործվի։ Դա կբխի բոլորի շահերից՝ ինչպես գազ արտադրողների, այնպես էլ սպառողների, եթե լինի ռացիոնալ պահվածք նրանց կողմից, որոնք իսկապես գազով հետաքրքրված են»,- ասել է Գրուշկոն։
Նա նշել է, որ այսօր շատերը, հատկապես՝ Արևմուտքում, խոսում են կանաչ էներգիային անցման մասին, սակայն բոլորի համար ակնհայտ է, որ այդ փուլը չի կարող իրականացվել նույն արագությամբ ու ծավալներով, ինչպես մտածել են «առանց ածխածնի աշխարհի մասին երազողները»։
Հիշեցնենք, որ հոկտեմբերի 13-ին Աստանայում տեղի է ունեցել Թուրքիայի նախագահ Ռեջեփ Թայիփ Էրդողանի ու ՌԴ նախագահ Վլադիմիր Պուտինի հանդիպումը, որի ընթացքում ռուսական կողմն Անկարային առաջարկել էր գազային հանգույց ստեղծել Եվրոպա մատակարարումների համար։ Աստանայից վերադառնալիս էլ լրագրողների հետ զրույցում Էրդողանն ասել էր, որ Թուրքիայի Էներգետիկայի և բնական պաշարների նախարարությանը և ռուսական կողմից համապատասխան գերատեսչություններին հանձնարարվել է համատեղ քայլեր մշակել այդ ուղղությամբ։ Նա նաև նշել էր, որ Թրակիայի շրջանը կարող է դառնալ նոր գազային հանգույցի ստեղծման ամենահարմար վայրը։
Էմմա Չոբանյան
