05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Բելառուսի Զինված ուժերում մարտական պատրաստության հանկարծակի ստուգում է հայտարարվել
Քաղաքականություն
13.12.2022 | 15:25
Բելառուսի Պաշտպանության նախարարությունը հայտարարել է մարտական պատրաստության անսպասելի ստուգում։ Գերատեսչության մամուլի ծառայության փոխանցմամբ՝ այն սկսվել է նախագահ Ալեքսանդր Լուկաշենկոյի հանձնարարությամբ, գրում է DW-ի ռուսական ծառայությունը։
«Միջոցառումները կլինեն համապարփակ, զորքերը պետք է հնարավորինս կարճ ժամանակում շարժվեն դեպի նշանակված տարածքներ, ներդնեն իրենց ինժեներական տեխնիկան, կազմակերպեն անվտանգությունն ու պաշտպանությունը, ինչպես նաև կամուրջներ կառուցեն Նեման և Բերեզինա գետերի վրայով»,- ասվում է հաղորդագրության մեջ։
Նշվում է նաև, որ վարժանքների ընթացքում «նախատեսվում է զինտեխնիկայի և անձնակազմի տեղաշարժ, ինչպես նաև որոշ հանրային ճանապարհներով և տարածքներով քաղաքացիների տեղաշարժի (տրանսպորտի) ժամանակավոր սահմանափակում»։
Տաթև Ֆռանգյան
