21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Ադրբեջանի իշխանություններն ավտոբուսներով մարդկանց են տեղափոխում՝ Լաչինի միջանցքը փակ պահելու համար. ՏԵՍԱՆՅՈՒԹ
Քաղաքականություն
13.12.2022 | 13:55
Ադրբեջանը երկրորդ օրն է՝ շարունակում է փակ պահել Լաչինի միջանցքը։ Ադրբեջանի իշխանություններն Արցախը Հայաստանը կապող ճանապարհը փակ պահելու համար շարունակում են Բաքվից «ակտիվիստների» անվան տակ ավտոբուսներով մարդկանց բերել։
Ադրբեջանական տարբեր քարոզչամեքենաներ գրում են, որ նրանց թվում նաև մարզիկներ կան։
Հարկ է նկատել, որ առանց իշխանությունների հատուկ թույլտվության՝ ադրբեջանցիները չեն կարող այցելել Արցախի գրավյալ տարածքներ։
Տարբեր տվյալներով՝ այս պահին 700-800 ադրբեջանցի է փակ պահում ճանապարհը։ Ադրբեջանի նախագահ Իլհամ Ալիևի կողմից ուղարկված «ակտիվիստները» երեկվանից հանդիպում են պահանջում Արցախում ռուսական խաղաղապահ զորակազմի հրամանատար Անդրեյ Վոլկովի հետ։
Հիշեցնենք, որ ավելի վաղ Ադրբեջանի իշխանությունների կողմից գործուղված բնապահպանները դեկտեմբերի 7-ին բանակցություններ էին անցկացրել Վոլկովի հետ Արցախի հանքերի մոնիթորիգի հարցով ու համաձայնության հասել ադրբեջանական կողմի հետ։ Այդպես էլ պարզ չդարձավ՝ ի՞նչ իրավասությամբ է Վոլկովը քննարկում Արցախի տնտեսությանն ու հանքարդյունաբերությանը վերաբերող հարցեր, որոնք իր իրավասությունների տիրույթից դուրս են։ Իսկ ահա Լաչինի միջանցքի անվտանգության ապահովումը, որը 2020թ․ նոյեմբերի 9-ի եռակողմ հայտարարությամբ ռուս խաղաղապահների պարտականությունն է, այդքան էլ լավ չի ստացվում։ Վոլկովի հետ պայմանավորվածություն ձեռք բերելուց հետո մի խումբ ադրբեջանցիներ, իբր, մոնիթորինգի համար հասել էին Կաշենի հանքավայր, սակայն տեղի բնակիչներն ու աշխատակիցները նրանց ներս չէին թողել։
Դեկտեմբերի 3-ին նույնպես Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ կրկին փակել էին Ստեփանակերտ-Գորիս մայրուղին։
Էմմա Չոբանյան
