16.02.2026 | 12:53
Հիմնավոր տեղեկություններ կան. Արթուր Հովհաննիսյանը` Մայր Աթոռը ՀՀ-ից տեղափոխելու հարցի մասին․ ՏԵՍԱՆՅՈՒԹ
Էրդողանը հայտնել է, որ Թուրքիայում նավթի նոր հանքավայր է հայտնաբերվել
Քաղաքականություն
13.12.2022 | 21:47
Թուրքիան նավթի նոր հանքավայր է հայտնաբերել երկրի հյուսիս-արևելքում գտնվող Գաբար լեռան շրջանում։ Այս մասին հայտարարել է նախագահ Ռեջեփ Թայիփ Էրդողանը կառավարության նիստից հետո հեռուստաուղերձում, գրում է Անադոլու գործակալությունը։
Նրա խոսքով՝ հայտնաբերված նավթի պաշարի մաքուր ծավալը 150 մլն բարել է կազմում։ Պաշարների արժեքը գնահատվում է մոտավորապես 12 մլրդ դոլար։
«Դա 10 ամենախոշոր հանքավայրերից է, որ հայտնաբերվել է ցամաքում 2022 թվականին»,- ասել է Էրդողանը։
Նա նշել է, որ թուրքական ազգային նավթային Türkiye Petrolleri ընկերության օրական արդյունահանումը, որը հինգ տարի առաջ կազմում էր մոտ 40,000 բարել, այժմ ավելացել է՝ հասնելով օրական մինչև 65,000 բարելի։ Ըստ նրա՝ թուրքական իշխանությունները նախատեսում են մինչև Թուրքիայի Հանրապետության 100-ամյակի օրը նավթի օրական արդյունահանումը հասցնել 100 հազար բարելի։
Էմմա Չոբանյան
