16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ռուսաստանի զինամթերքը սպառվում է․ ռուս զինվորականներն օգտագործում են 40 տարվա վաղեմության արկեր․ Պենտագոն
Քաղաքականություն
13.12.2022 | 12:34
Ռուս զինվորականներն օգտագործում են 40 տարվա վաղեմության արկեր. այս տեմպերով Ռուսաստանի Դաշնությունը կարող է առանց զինամթերքի մնալ մինչև հունվար։ Այս մասին հայտարարել է ԱՄՆ պաշտպանության նախարարության ներկայացուցիչը, հայտնում է Reuters-ը։
«Նրանք զինամթերք են հանել հնացած պաշարներից, ինչը վկայում է այն մասին, որ նրանք պատրաստ են օգտագործել այս հին զինամթերքը, որոնցից որոշներն արտադրվել են ավելի քան 40 տարի առաջ», – ասել է Պենտագոնի ներկայացուցիչը։ Նրա խոսքով՝ դա տեղի է ունեցել Ուկրաինայում բարձր ինտենսիվության հրետանային հարվածների հետևանքով։ Պենտագոնի գնահատականի համաձայն՝ Իրանի և ԿԺԴՀ-ի կողմից օգնության բացակայության դեպքում ՌԴ-ն զինամթերք չի ունենա մինչև 2023 թվականի սկիզբը։ Նշվում է, որ Ռուսաստանի Դաշնության զինվորականները 40 տարվա վաղեմության արկեր օգտագործելով որոշակի ռիսկի են դիմում․ դրանք կարող են չկրակվել թնդանոթից կամ չպայթել նշանակման վայրում։
