05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
ԱՄՆ-ը Ռուսաստանին կհրավիրի մասնակցելու APEC-ի նիստերին
Քաղաքականություն
12.12.2022 | 17:41
Ռուսաստանը կհրավիրվի Ասիա-խաղաղօվկիանոսյան տնտեսական համագործակցության (APEC) դաշինքի նիստերին, որոնք կազմակերպում է ԱՄՆ-ը հաջորդ տարի։ Այս մասին Սինգապուրում կայացած ճեպազրույցում հայտարարել է APEC-ում ԱՄՆ-ի պաշտոնական ներկայացուցիչ Մեթ Մյուրեյը, գրում է VOA-ն։
Ըստ նրա՝ որպես «APEC-ի լավ կառավարիչ»՝ ԱՄՆ-ը Ռուսաստանին կհրավիրի Սան Ֆրանցիսկոյի գագաթնաժողովին։
Ռուսաստանն ու ԱՄՆ-ը տնտեսական համագործակցության բլոկի անդամ են, որը ներառում է 21 պետություն։
Նշենք, որ Վաշինգտոնի և Մոսկվայի հարաբերությունները սրվել են փետրվարին Ուկրաինա Ռուսաստանի ներխուժումից հետո: Չպատճառաբանված ագրեսիայի այս ակտն արժանացել է արևմտյան երկրների դատապարտմանը, ինչպես նաև պատժամիջոցների մի քանի փաթեթի:
Հիշեցնենք, որ մայիսին Թաիլանդում կազմակերպված APEC-ի նիստում ԱՄՆ-ի և մի շարք այլ երկրների ներկայացուցիչներ ՌԴ տնտեսական զարգացման նախարար Մաքսիմ Ռեշետնիկովի ելույթի ժամանակ լքեցին նիստերի դահլիճը՝ ի նշան Ուկրաինայում Ռուսաստանի ռազմական գործողությունների դեմ բողոքի:
Տաթև Ֆռանգյան
