12.12.2024 | 16:28
Մեծ Բրիտանիայում նոր հակադրոնային լազեր են փորձարկել
ՌԴ-ն նախկինի պես նպատակ ունի առաջանալ Դոնեցկի շրջանում, սակայն դժվար թե ստացվի․ բրիտանական հետախուզություն
Քաղաքականություն
12.12.2022 | 14:51
Ուկրաինայում Ռուսաստանի առաջնահերթությունը նախկինի պես մնում է Դոնեցկի շրջանում առաջ շարժվելը, սակայն ռուսական զորքերը դժվար թե կարողանան հասնել դրան առաջիկա ամիսներին։ Այս մասին ասվում է բրիտանական հետախուզության այսօրվա ամփոփագրում, գրում է BBC-ի ռուսական ծառայությունը։
«Ռուսաստանի ռազմավարությունն առաջիկայում դժվար թե հասնի այդ նպատակին, քիչ հավանական է, որ ռուս զինվորականները ներկայում ընդունակ են ստեղծել արդյունավետ հարվածային ուժ, որն ունակ է գրավել այդ շրջանները»,-ասվում է հաղորդագրության մեջ։
Դեկտեմբերի 8-ին ՌԴ նախագահի խոսնակ Դմիտրի Պեսկովը հերթական անգամ հայտարարել էր, որ Ուկրաինայում Ռուսաստանի «հատուկ ռազմական գործողության» նպատակը Դոնբասի և Ուկրաինայի հարավ-արևելքի բնակիչներին «պաշտպանելն է»։
«Այդ մարդկանց պաշտպանության շրջանակում այս նոր տարածքները ձևավորվել են հանրաքվեների արդյունքում»,- պարզաբանել է նա։
Բրիտանական հետախուզության համաձայն՝ Պեսկովի խոսքերը վկայում են այն մասին, որ Ռուսաստանի ներկա նվազագույն քաղաքական նպատակները պատերազմում մնում են անփոփոխ։
«Ռուսաստանը, հավանաբար, դեռ ձգտում է ընդլայնել վերահսկողությունը Դոնեցկի, Լուգանսկի, Զապորոժիեի և Խերսոնի ողջ շրջանների վրա»,- ասվում է ամփոփագրում։
Ըստ բրիտանական հետախուզության՝ ռուսական ցամաքային զորքերը դժվար թե հասնեն որևէ հաջողության մի քանի ամիսների ընթացքում։
Էմմա Չոբանյան
