26.02.2026 | 22:58
Զախարովան արձագանքել է AZAL-ի ինքնաթիռի վթարի վերաբերյալ Բայրամովի հայտարարություններին
ԵՄ-ն մտահոգված է ՌԴ-ի հետ Թուրքիայի խորացող կապերով
Քաղաքականություն
12.12.2022 | 15:38
Եվրամիությունը մտահոգված է, որ Թուրքիան սերտ գործընկերություն է պահպանում Ռուսաստանի հետ՝ չնայած Ուկրաինայում պատերազմին և Մոսկվայի դեմ արևմտյան պատժամիջոցներին, գրում է Ազատություն ռադիոկայանը։
Թուրքիայի և Ռուսաստանի միջև խորացող տնտեսական հարաբերությունները մեծ անհանգստության պատճառ են, գերմանական լրատվամիջոցների փոխանցմամբ՝ այս մասին ասել է ԵՄ արտաքին քաղաքականության ղեկավար Ժոզեպ Բորելը Եվրախորհրդարանին ուղղված նամակում։
Նշվում է, որ մտահոգիչ է նաև Թուրքիայի շարունակվող քաղաքականությունը Ռուսաստանի դեմ ԵՄ-ի սահմանափակող միջոցներին չմիանալու հարցում։ Բորելն ասել է, որ կարևոր էր, որ Թուրքիան Ռուսաստանին որևէ լուծում չառաջարկեր պատժամիջոցների հետ կապված։
Էմմա Չոբանյան
