15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մեզ անհրաժեշտ է գտնել ժողովուրդների համակեցության նոր կոնսենսուս. Միրզոյան․ ՏԵՍԱՆՅՈՒԹ
Քաղաքականություն
12.12.2022 | 11:52
«Ցեղասպանություն հանցագործության դեմ» 4-րդ գլոբալ համաժողովը չի հաջողվել իրականացնել 2020թ. դեկտեմբերին համավարակի պատճառով, բայց նաև, առաջին հերթին, Լեռնային Ղարաբաղի ժողովրդի դեմ Ադրբեջանի սանձազերծած 44-օրյա պատերազմի պատճառով։ Այդ ագրեսիայի հետևանքներն առ այսօր հաղթահարված չեն»։ Այս մասին Երևանում այսօր ընթացող համաժողովի ժամանակ նշեց ՀՀ արտաքին գործերի նախարար Արարատ Միրզոյանը։
«Ավելին, անցած տարվա նոյեմբերին և այս տարվա սեպտեմբերի 13-14-ին Ադրբեջանի հարձակմանն է ենթարկվել Հայաստանի ինքնիշխան տարածքը, ինչի հետևանքով տեղի են ունեցել մարդու իրավունքների և միջազգային հումանիտար իրավունքի, այդ թվում կյանքի, սեփականության իրավունքի, կտտանքների արգելքի և ռազմագերիների հետ վարվելու կանոնների կոպիտ խախտումներ»,- նշեց նախարարը։
Միրզոյանն ընդգծեց, որ հայ ժողովուրդը բախվել է անվտանգության նոր սպառնալիքների, որոնք մինչ այժմ չեն վերացվել։
Նախարարի դիտարչկմամբ՝ այս իրավիճակը երկարաժամկետ գործընթացի հետևանք է․ ծայրահեղ ատելության տարածումը հայերի հանդեպ երկար տարիների ընթացքում և ռազմական պոտենցիալի հետևողական զարգացումը արդյունքում վերածվեցին ուժի կիրառման։
«Ուժի կիրառմամբ արտաքին քաղաքական խնդիրների լուծման մոտեցումը, որը դրսևորվում է աշխարհի տարբեր անկյուններում նոր պատերազմների ու հակամարտությունների բռնկմամբ, վկայում է համաշխարհային անվտանգային համակարգի ճգնաժամի մասին: Ակնհայտ է, որ ուժը միշտ էլ եղել է միջազգային հարաբերությունների կարևոր գործոն, սակայն որևէ միջազգային համակարգ չի կարող հիմնված լինել բացառապես «Ուժն է ծնում իրավունք» սկզբունքի վրա, քանզի, ինչպես գիտենք, ուժեղից միշտ էլ առավել ուժեղը կա, ու հարատև պատերազմն անգամ չի կարող արձանագրել ուժերի վերջնական ճշգրիտ հավասարակշռություն», – նշեց ՀՀ ԱԳ նախարարը՝ հավելելով՝ մեզ անհրաժեշտ է գտնել ժողովուրդների համակեցության նոր կոնսենսուս։
Մանրամասները՝ տեսանյութում։
