07.06.2026 | 09:36
Վաղարշապատի ընտրատեղամասում քվեարկում են նաև զինծառայողները
Հայաստանը, Թուրքիան և Ադրբեջանը ունեն իրար կարիքը․ Փաշինյան․ ՏԵՍԱՆՅՈՒԹ
Քաղաքականություն
12.12.2022 | 11:21
Երևանում ընթանում է «Ընդդեմ ցեղասպանության հանցագործության» 4-րդ Գլոբալ ֆորումը։ Այն նվիրված է նոր տեխնոլոգիաների դարաշրջանում ցեղասպանության կանխարգելման հարցին։
ՀՀ վարչապետ Նիկոլ Փաշինյանը, ելույթ ունենալով ֆորումում, ընդգծեց՝ գաղափար կա Հարավային Կովկասում Հայաստան-Վրաստան-Ադրբեջան ֆորմատով քննարկումներ սկսել:
«Գաղափարը նոր չէ, բավական հին է, ես միշտ պաշտպանել եմ այդ գաղափարը, բայց ես առաջարկել եմ, որ այդ հարթակն, առաջին հերթին, օգտագործվի միայն ու միայն ատելության խոսքը մեր տարածաշրջանից արմատախիլ անելու ուղղությամբ: Երկրների ղեկավարները պետք է արձանագրեն ու ասեն, որ «համաձայն ենք իրար հետ համագործակցել ատելության խոսքը բացառելու համար»», – ասաց վարչապետը։
Փաշինյանն ընդգծեց՝ Հայաստան-Թուրքիա, Հայաստան-Ադրբեջան հարաբերությունները շատ կարևոր են:
«Ես ուզում եմ համաձայնություն արտահայտել մի հայտարարության հետ, որը վերջերս հնչել էր Թուրքիայում, իսկ գաղափարը հետևյալն էր, որ տարածաշրջանի բոլոր երկրները, այդ թվում՝ Թուրքիան, Հայաստանն ու Ադրբեջանն ունեն իրար կարիքը հենց այդ երկրների անվտանգության, ինքնիշխանության, անկախության ապահովման առումով ու սա շատ կարևոր բանաձև է», – հայտարարեց Նիկոլ Փաշինյանը:
Մանրամասները՝ տեսանյութում։
