07.10.2026 | 23:48
Արթուր Դանիելյանը կալանավորվեց
Ադրբեջանցիները դարձյալ փակել են Լաչինի միջանցքը․ ՏԵՍԱՆՅՈՒԹ
Քաղաքականություն
12.12.2022 | 11:18
Ադրբեջանական լրատվամիջոցների հաղորդմամբ ադրբեջանցի «էկոակտիվիստները» կրկին փակել են Լաչինի միջանցքը։ Ըստ այդ տեղեկությունների՝ վերջիններս պահանջում են հանդիպում Լեռնային Ղարաբաղում ռուս խաղաղապահների հրամանատար Անդրեյ Վոլկովի հետ։ Տարածված տեսանյութերում երևում է, որ ճանապարհին հավաքված ադրբեջանցիների քանակը գերազանցում է մի քանի տասնյակը։
Հիշեցնենք, որ դեկտեմբերի 3-ին Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել էին Ստեփանակերտ-Գորիս մայրուղին։ Արցախի տեղեկատվոկան շտաբից ավելի վաղ հայտնել էին, որ ադրբեջանական կողմի հետ ավելի քան երեք ժամ տևած բանակցությունները տվել են դրական արդյունք։ Արցախի Հանրապետության արտաքին գործերի նախարարությունը և ԱՀ ՄԻՊ-ը դատապարտել են տեղի ունեցածը՝ կոչ անելով միջազգային հանրությանը խստորեն դատապարտել Ադրբեջանի պետական հայատյաց քաղաքականությունը և գործուն քայլեր ձեռնարկել՝ սանձելու ագրեսորին։
Տաթև Ֆռանգյան
