30.10.2026 | 11:18
Հարկադիրի Շիրակի բաժնի պետը կալանավորվել է
Օսլոյում հանձնել են 2022 թվականի Խաղաղության Նոբելյան մրցանակը
Քաղաքականություն
10.12.2022 | 19:09
Օսլոյում տեղի է ունեցել Խաղաղության Նոբելյան մրցանակի հանձնման արարողությունը։ Այս տարի դափնեկիրներ են դարձել բելառուսական «Վեսնա» իրավապաշտպան կենտրոնի հիմնադիր Ալես Բելյացկին, ռուսական «Մեմորիալ» ընկերությունը, ինչպես նաև ուկրաինական «Քաղաքացիական ազատությունների կենտրոնը»: Euronews-ի փոխանցմամբ՝ Նոբելյան կոմիտեն նշել է, որ դրանք ցույց են տալիս քաղաքացիական հասարակության կարևորությունը խաղաղության և ժողովրդավարության համար:
Խաղաղության և պատերազմի համար պատասխանատվության մասին արարողության նախօրեին խոսել է նաև «Քաղաքացիական ազատությունների կենտրոնի» նախագահ Ալեքսանդրա Մատվիյչուկը.
«Մենք պետք է կոտրենք անպատժելիության շրջանակը։ Մենք պետք է ստեղծենք միջազգային տրիբունալ և պատասխանատվության ենթարկենք Պուտինին, Լուկաշենկոյին և այլ ռազմական հանցագործներին՝ ոչ միայն ուկրաինացիների, այլև աշխարհի այլ երկրների համար»։
«Մեմորիալ»-ի նախագահ Յան Ռաչինսկին իր Նոբելյան դասախոսության մեջ խորհրդանշական է անվանել մրցանակի շնորհումը երեք երկրների իրավապաշտպաններին: Նրա խոսքով՝ սա ցույց է տալիս, որ պետական սահմանները չեն կարող և չպետք է տարանջատեն քաղաքացիական հասարակությունը։
Հայրենիքում անազատության մեջ գտնվող Ալես Բելյացկու անունից հանդես է եկել նրա կինը՝ Նատալյա Պինչուկը։ Նա մեջբերել է քաղաքացիական ազատությունների, բռնապետության մասին նրա հայտարարությունները և խաղաղության կոչ փոխանցել: Հայրենիքում անազատության մեջ գտնվող Ալես Բելյացկու անունից հանդես է եկել նրա կինը՝ Նատալյա Պինչուկը։ Նա մեջբերել է քաղաքացիական ազատությունների, բռնապետության մասին նրա հայտարարությունները և խաղաղության կոչ փոխանցել:
Տնտեսագիտության ոլորտում Ալֆրեդ Նոբելի հիշատակի 2022 թվականի մրցանակը շնորհվել է ԱՄՆ Դաշնային պահուստային համակարգի նախկին ղեկավար Բեն Բերնանկեին և ամերիկացի հետազոտողներ Դուգլաս Դայմոնդին և Ֆիլիպ Դյոբվիգին ՝ «բանկերի և ֆինանսական ճգնաժամերի ուսումնասիրության» համար։
Գրականության ոլորտում Նոբելյան մրցանակի դափնեկիր է դարձել ֆրանսիացի գրող Աննի Էռնոն։
Ֆիզիկայի բնագավառում Նոբելյան մրցանակը շնորհվել է ֆրանսիացի Ալեն Ասպեին, ամերիկացի Ջոն Կլաուզերին և ավստրիացի Անտոն Ցայլինգերին ՝ քվանտային մեխանիկայի բնագավառում հետազոտությունների համար:
Բժշկության ոլորտում Նոբելյան մրցանակի դափնեկիր է դարձել շվեդ գիտնական Սվանտե Պաաբոն, որը մրցանակի է արժանացել մարդու էվոլյուցիայի գենետիկական հիմքերի ուսումնասիրության համար:
