02.02.2026 | 12:22
Թրամփը Թեհրանի հետ գործարքի հույս ունի` չնայած «տարածաշրջանային պատերազմի» մասին Խամենեիի նախազգուշացումներին
Աբսուրդ է՝ Ֆրանսիա հասնել և պահանջել ռուս խաղաղապահներին միջազգային մանդատ տալ․ հուսանք, ռուսները չեն լսում. Գարեգին Միսկարյան․ ՏԵՍԱՆՅՈՒԹ
Քաղաքականություն
09.12.2022 | 20:32
Արցախի իշխանությունները Փարիզում են։ Մինչ Արայիկ Հարությունյանը France 24-ի եթերում ասում էր՝ «Պետք է հաշվի առնել, որ ռուսական խաղաղապահ առաքելության ժամկետը մինչև 2025 թվականն է, ուստի Արցախին անհրաժեշտ են անվտանգության ավելի հիմնարար երաշխիքներ», նրա կաբինետից արտգործնախարար Դավիթ Բաբայանը Փարիզ այցի մասին մեկնաբանություն է տալիս հայաստանյան ԶԼՄ-ներին, պնդելով՝ իրենք ցանկանում են, որ ՄԱԿ-ի Անվտանգության խորհուրդը ռուս խաղաղապահներին միջազգային մանդատ տա անորոշ ժամանակով։
Ի՞նչ տրամաբանություն կա գնալ-հասնել Ֆրանսիա և խոսել ռուս խաղաղապահների մանդատի միջազգայնացումից, և ո՛չ ուղիղ Ֆրանսիային վերաբերող հարցերից։
«Ժողովրդավարական հարթակ» հիմնադրամի տնօրեն Գարեգին Միսկարյանը Factor TV-ին տված հարցազրույցում անտրամաբանական է որակում այս քայլը․ «Կարծում եմ՝ այդ հարցին ավելի հստակ կարող է պատասխանել Լավրովը, բայց փորձենք ինչ-որ բացատրություն գտնել։ Ինչո՞ւ է սա անտրամաբանական քայլ, որովհետև եթե ՌԴ-ն ինչ-որ տեղ հաշվի առներ ՄԱԿ-ի կարծիքը, չէր անի այն, ինչ հիմա անում է Ուկրաինայում։ Եվ եթե Ադրբեջանը հաշվի առներ ՄԱԿ-ի կարծիքը, ուժի կիրառմամբ հարց չէր լուծի։ Միգուցե կուլիսային քննարկումների և հանդիպումների թեման այլ է, կան ուրիշ շեշտադրումներ, դժվար է ասել։ Այն, որ իրենք կարողացել են գնալ-հասնել Փարիզ, դա արդեն մեծ գործ է։ Աբսուրդ է այդ պահանջը կամ խնդրանքը։ Ես հուսով եմ, որ ռուսները դա չեն լսում, որ հետո իրենց ենթականերին, որ այսօր Ֆրանսիայում են, ճնշեն»։
Գարեգին Միսկարյանը նաև հույս ունի, որ այս հայտարարությունն ուղղակի քողարկում է հանդիպումներում իրականում քննարկած հարցերը։
Հարցազրույցն ամբողջությամբ՝ տեսանյութում։
Ռոբերտ Անանյան
