Քաղաքականություն
09.12.2022 | 20:01
Միջազգային օլիմպիական կոմիտեի գագաթնաժողովում երկրների ճնշող մեծամասնությունը կողմ է քվեարկել Ռուսաստանի և Բելառուսի մարզիկների դեմ պատժամիջոցների երկարաձգմանը, գրում է BBC-ի ռուսական ծառայությունը։
Այդ պատժամիջոցները սահմանել էին դեռ փետրվարին՝ ի պատասխան ՌԴ Ուկրաինա ներխուժման։ Դրանք ներառում են Ռուսաստանում և Բելառուսում միջազգային մրցումների անցկացման արգելքը, այդ երկրների մարզիկները չեն կարող օգտագործել իրենց դրոշներն ու օրհներգերը։
Այսօրվա գագաթնաժողովը երկարաձգել է այդ պատժամիջոցները, որոշում ընդունել հետ կանչել ՌԴ նախագահի ու փոխվարչապետներից մեկի օլիմպիական շքանշանները, ինչպես նաև ամենայն աջակցություն ցուցաբերել ուկրաինական թիմերին ու մարզիկներին։
«Գագաթնաժողովում հաշվի են առնվել Ֆրանսիայի նախագահ Էմանուել Մակրոնի (հաջորդ Օլիմպիական խաղերը Ֆրանսիայում են կայանալու) խոսքերն այն մասին, որ նույնիսկ այն երկրները, որոնք պատերազմում են, պետք է մասնակցեն մրցույթին, քանի որ սպորտը չի կարելի քաղաքականացնել։ Սակայն պատվիրակությունների մեծ մասը դրան չի համաձայնել։
Էմմա Չոբանյան
