22.03.2026 | 12:48
Իրաքում ՀՀ դեսպանության հետ կապ է հաստատել 12 քաղաքացի, որոնցից 9-ը ցանկություն է հայտնել վերադառնալ Հայաստան. ԱԳՆ
Շահումով խաղերի և վիճակախաղերի հարկային տուրքը կավելանա․ նախագիծ․ ՏԵՍԱՆՅՈՒԹ
Քաղաքականություն
09.12.2022 | 17:17
«Պետական տուրքի մասին», «Վիճակախաղերի մասին», «Շահումով խաղերի, ինտերնետ շահումով խաղերի և խաղատների մասին» օրենքներում լրացումներ և փոփոխություններ կատարելու մասին ՀՀ օրենքների նախագծերի փաթեթն Ազգային ժողովում ներկայացրեց ՀՀ ֆինանսների փոխնախարար Արման Պողոսյանը։
Նախագծերի նպատակը խաղային ոլորտի (ինտերնետ շահումով խաղերի և տոտալիզատորի, ինտերնետ տոտալիզատորի) հարկային բեռի վերանայումն է: Առաջարկվում է բարձրացնել ինտերնետ շահումով խաղերի և վիճակախաղերի պետական տուրքի գծով հարկային բեռը։
Պողոսյանը հայտնեց, որ այս տարի անցած 9 ամիսների ընթացքում կատարվել է 4,2 տրիլոն դրամի խաղադրույք։
Փոխնախարարի խոսքով՝ նախագծերով, մասնավորապես, առաջարկվում է սահմանել, որ ինտերնետ շահումով խաղերի կազմակերպչի կողմից յուրաքանչյուր 100 միլիարդ դրամի չափով խաղադրույք ընդունելու իրավունք ձեռք բերելու համար պետական տուրքը վճարել լրացուցիչ 175 մլն դրամ, տոտալիզատորի կազմակերպչի կողմից յուրաքանչյուր 50 միլիարդ դրամի չափով խաղադրույք ընդունելու իրավունք ձեռք բերելու համար պետական տուրք վճարել լրացուցիչ 50 մլն դրամ և այլն:
«Հաշվի առնելով, որ նոր կարգավորումները խստացումներ են խաղային ոլորտի կազմակերպիչների համար, առաջարկվում է նախագծերի փաթեթը կիրառության մեջ դնել վեցամսյա ժամկետից հետո՝ 2023թ․ հուլիսի 1-ից»,- նշեց Պողոսյանը։
Մանրամասները՝ տեսանյութում։
