22.03.2026 | 10:58
Թեղուտ գյուղի սարի ճանապարհին ավտոմեքենա է այրվել
Ադրբեջանի վարչապետը դարձյալ խոսել է «Զանգեզուրի միջանցքից»
Քաղաքականություն
09.12.2022 | 16:36
Ադրբեջանի պետական պաշտոնյաները շարունակում են խոսել գոյություն չունեցող «Զանգեզուրի միջանցքից»։ Այսօր Միլի Մեջլիսի նիստում այդ մասին դարձյալ խոսել է Ադրբեջանի վարչապետ Ալի Ասադովը։
«Պատերազմից հետո մեծ աշխատանք է կատարվել ազատագրված տարածքներիվերականգնման ուղղությամբ։ «Զանգեզուրի միջանցքի» բացումը մեծ խթան կհանդիսանա Ադրբեջանի զարգացման համար»,-ասել է Ասադովը։ Նա նշել է, որ նպատակային ու լայնամասշտաբ նախագծերը նպաստելու են Արցախի գրավյալ տարածքների «արագ վերածնմանը»։
Հավելենք, որ Հայաստանը բազմիցս կողմ է արտահայտվել տարածաշրջանային հաղորդակցությունների վերաբացմանը, սակայն շեշտել, որ Հայաստանով անցնող ճանապարհները պետք է լինեն մեր պետության իրավազորության ներքո, և ՀՀ-ն սեփական տարածքով Ադրբեջանին որևէ տեսակի միջանցք տրամադրելու որևէ փաստաթուղթ չի ստորագրել։
Էմմա Չոբանյան
