29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Գրիգորյանի արձագանքը Ալիևի օգնականին․ ԼՂ-ում ծառայությունից կազատվեն նահատակվածների որդիները․ Լուրեր
Քաղաքականություն
09.12.2022 | 15:55
- ԼՂ բնակչության իրավունքների և անվտանգության հարցով միջազգային մեխանիզմների ստեղծման մասին ՀՀ ԱԽ քարտուղար Արմեն Գրիգորյանը այսօր ասել է, որ բանակցություններում միայն հայկական կողմը չի եղել: Ամերիկյան կողմն էլ է եղել, և կա դրա մասին արձանագրություն, որի մասին ադրբեջանական կողմը տեղյակ է։ Սրանով Գրիգորյանն արձագանքել է Ադրբեջանի նախագահի խորհրդական Հիքմեթ Հաջիևի այն պնդմանը, թե այդպիսի պայմանավորվածություն չկա։
- Գրիգորյանը հայտարարել է, որ երբ Վաշինգտոնում քննարկումներ են ունեցել և ավելի հստակություն է ստեղծվել միջազգային մեխանիզմի ստեղծման վերաբերյալ, իրենք հավանությունն ենք տվել՝ Հայաստանի և Ադրբեջանի միջև խաղաղության հնարավոր պայամանագրի հարցն ու ԼՂ-ում բնակվող հայերի իրավունքների և անվտանգության հարցերը տարանջատվեն: Սակայն, ըստ Գրիգորյանի, երբ միջազգային մեխանիզմի վերաբերյալ որևէ հստակություն չկա, դա դժվարացնում է հայկական կողմին խաղաղության պայմանագրի մասով առաջ գնալ
Արցախի ԱԺ-ն հավանություն է տվել զոհված զինծառայողների զավակներին կամ եղբայրներին պարտադիր զինծառայությունից ազատելու մասին օրինագծին: - Պեմզաշենում դաժանաբար սպանված ընտանիքի հայրը դեկտեմբերի 7-ին կեսգիշերից հետո փորձել է վրեժ լուծել իր ընտանիքի սպանության մեջ կասկածվողներից մեկից։ Նա գնացել է կասկածյալի տան մոտ, բացել բակի դուռը, ներս մտել ու իր մոտ եղած կացնով փորձել է կոտրել տան դուռը։ Նրա գործողությունները կանխել են տեղում հսկողություն իրսկանացնող ոստիկանները։ Տանը եղել է սպանության համար կասկածվողի մայրը, որը սակայն հրաժարվել է հաղորդում տալ` նշելով, որ իրենց գույքային վնաս չի հասցվել։ Կացինն առգրավել են, հարձակվողին ոստիկանությունից ազատ են արձակել։
Այս ժամի լուրերը՝ տեսանյութում։
