16.09.2026 | 09:45
ՀՀ տարածքում ավտոճանապարհներն անցանելի են
Բրյուսելում տեղի կունենա ԵՄ ԱԳ նախարարների և Արևելյան գործընկերության երկրների ներկայացուցիչների հանդիպումը
Քաղաքականություն
09.12.2022 | 15:30
Դեկտեմբերի 12-ին Բրյուսելում տեղի կունենա Եվրամիության ԱԳ նախարարների և Արևելյան գործընկերության երկրների (Հայաստան, Ադրբեջան, Վրաստան, Մոլդովա և Ուկրաինա) գործընկերների հանդիպումը: Այս մասին ասված է ԵՄ կայքում հրակարակված հաղորդագրությունում։
Նիստը վարելու է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը։ Հանդիպմանը կմասնակցի նաև եվրահանձնակատար Օլիվեր Վարհելին։
Նշվում է, որ հանդիպումը հնարավորություն կտա քննարկել Արևելյան գործընկերության ծրագրի ապագան, ինչպես նաև Ուկրաինայում պատերազմի հետևանքներն ու անվտանգության վերաբերյալ մարտահրավերներն ամբողջ տարածաշրջանի համար։
Մասնակիցները կարծիքներ կփոխանակեն այն մասին, թե ինչպես կարող է Արևելյան գործընկերությունը հետագայում խթանել կայունությունն ու բարգավաճումը տարածաշրջանում: Նախարարները կքննարկեն, մասնավորապես, հարցը՝ ինչպես լավագույնս աջակցել գործընկերների դիմակայունությանը, ինչպես ԵՄ-ին և նրա արևելյան գործընկերներին ավելի մերձեցնել և ապահովել օրենքի ու բարեփոխումների գերակայությունը տարածաշրջանում:
Տաթև Ֆռանգյան
