30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Չինաստանն ու Սաուդյան Արաբիան մտադիր են զարգացնել համագործակցությունը պաշտպանության ոլորտում
Քաղաքականություն
09.12.2022 | 21:59
Չինաստանն ու Սաուդյան Արաբիան մտադիր են զարգացնել համագործակցությունն ու համակարգումը պաշտպանության ոլորտում։ Այս մասին ասված է Ռիադում սաուդա-չինական գագաթնաժողովի արդյունքներով տարածված համատեղ հայտարարության մեջ, փոխանցում է ՏԱՍՍ-ը։
«Կողմերը վերահաստատել են պաշտպանության ոլորտում համագործակցությունն ու համակարգումը զարգացնելու, կազմակերպված հանցավորության և ահաբեկչական գործողությունների դեմ պայքարի ոլորտում տեղեկատվության և փորձի փոխանակման մակարդակը բարձրացնելու իրենց մտադրությունը»,- ասվում է փաստաթղթում։
Գագաթնաժողովի մասնակիցները պայմանավորվել են նաև ամրապնդել համագործակցությունը «վաղ նախազգուշացման, հետախուզության փոխանակման և տեղեկատվական հանցագործությունների դեմ պայքարի» ոլորտում՝ Չինաստանի և Սաուդյան Արաբիայի ընդհանուր շահերին համապատասխանող ձևով։
Բացի այդ, կողմերը կակտիվացնեն համատեղ ջանքերը կոռուպցիայի և փողերի լվացման հետ կապված անդրսահմանային հանցագործությունների դեմ պայքարում։
Չինաստանի նախագահ Սի Ցզինպինը չորեքշաբթի ժամանել է Սաուդյան Արաբիայի մայրաքաղաք։ Հինգշաբթի նա արդեն առանձին բանակցություններ է վարել Սաուդյան Արաբիայի թագավոր Սալման բեն Աբդել Ազիզ Ալ-Սաուդի և Եգիպտոսի նախագահ Աբդել Ֆաթահ աս-Սիսիի հետ։
Սի Ցզինպինը մասնակցել է նաև Պարսից ծոցի արաբական երկրների համագործակցության խորհրդի անդամ երկրների ղեկավարների հանդիպմանը, ինչպես նաև չինա-արաբական գագաթնաժողովին։ Առկա տեղեկությունների համաձայն՝ Էր-Ռիադում կայանալիք հանդիպումներին հրավիրվել են արաբական երկրների և կազմակերպությունների 30 ղեկավարներ։
Տաթև Ֆռանգյան
