13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիայում «Հայոց ցեղասպանություն» եզրույթն օգտագործելու համար ընդդիմադիր կուսակցության գործիչներին մեղադրանք է առաջադրվել
Քաղաքականություն
09.12.2022 | 18:06
Անկարայի Գլխավոր դատախազությունը հայց է ներկայացրել քրդամետ ընդդիմադիր Ժողովուրդների դեմոկրատական կուսակցության (HDP) Կենտրոնական գործադիր խորհրդի 11 նախկին անդամների դեմ՝ «Հայոց ցեղասպանություն» եզրույթն օգտագործելու համար, գրում է Duvar-ը։
Հայցով պահանջվում է նրանց դատապարտել Թուրքիայի քրեական օրենսգրքի 301-րդ հոդվածով, որը վերնագրված է որպես «Թուրքականությունը վիրավորող»՝ 2021 թվականի ապրիլի 24-ին HDP-ականների կողմից արված մամուլի հայտարարության համար, որտեղ նրանք հիշատակել են Հայոց ցեղասպանությունը։
«Օրենքի գերակայությունը չի պաշտպանում Թուրքիայի Հանրապետության սահմանադրության և օրենքների համաձայն ստեղծված քաղաքական կուսակցության անդամներին թուրք ազգի դեմ գործունեություն ծավալելուց»,- ասվում է մեղադրանքում։
Նշվում է, որ ապրիլի 24-ի հայտարարության մեջ նշված խոսքերը կասկածի տակ են դնում Թուրքիայի Հանրապետության քաղաքականությունը, և որ, Սահմանադրության համաձայն, պատգամավորները պարտավոր են ծառայել թուրք ազգի և պետության շահերին համապատասխան։
Որոշ լրատվամիջոցներ հայտնում են, որ երկրի Արդարադատության նախարարությունը HDP-ի քաղաքական գործիչներին դատարանի առաջ կանգնեցնելու համար անհրաժեշտ թույլտվություն է տվել։
Էմմա Չոբանյան
