07.06.2026 | 11:07
Ֆրանսիայում ասում էին` ՌԴ-ից կապվել և ճնշում են գործադրել` գալ և կոնկրետ թեկնածուի օգտին քվեարկել. Զարեհ Սինանյան
Հայ-ամերիկյան ռազմավարական երկխոսության շրջանակներում կայացել է աշխատանքային խմբի հանդիպում
Քաղաքականություն
08.12.2022 | 16:20
Դեկտեմբերի 7-ին Երևանում հայ-ամերիկյան ռազմավարական երկխոսության հերթական նիստի շրջանակներում կայացել է պաշտպանական և անվտանգային հարցերով աշխատանքային խմբի հանդիպումը․ տեղեկացնում են ՀՀ ԱԳՆ-ից։
Հանդիպմանը մասնակցել են ՀՀ անվտանգության խորհրդի, պաշտպանության, արտաքին գործերի, բարձր տեխնոլոգիական արդյունաբերության նախարարությունների, ազգային անվտանգության ծառայության, պետական եկամուտների կոմիտեի ներկայացուցիչներ, իսկ ամերիկյան կողմից՝ պաշտպանության քարտուղարության և պետքարտուղարության, ինչպես նաև Կանզաս նահանգի ազգային գվարդիայի ներկայացուցիչներ:
Բացման խոսքով հանդես է եկել ՀՀ ՊՆ նախարարի տեղակալ Արման Սարգսյանը, ով բարձր է գնահատել ՀՀ և ԱՄՆ միջև առկա համագործակցությունը և կարևորել դրա հետագա ընդլայնումը:
Հանդիպման ընթացքում անդրադարձ է կատարվել ոլորտային հարցերի շուրջ փոխգործակցության հնարավորություններին և համատեղ ծրագրերի իրականացմանը, կողմերը նախանշել են առաջնահերթությունները և պատրաստակամություն հայտնել քայլեր ձեռնարկել դրանց իրականացման ուղղությամբ:
