16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
ՊՊԾ-ում աշխատավարձի 100%-ով բարձրացնելու հնարավորություն ենք ստեղծելու․ Արմեն Գրիգորյան. ՏԵՍԱՆՅՈՒԹ
Քաղաքականություն
08.12.2022 | 15:48
ԱԺ պաշտպանության և անվտանգության հարցերի հանձնաժողովի նիստում ԱԽ քարտուղար Արմեն Գրիգորյանը ներկայացրեց «Հատուկ պետական պաշտպանության ենթակա անձանց անվտանգության ապահովման մասին» օրենքում փոփոխություններ և լրացումներ կատարելու մասին» օրենքի և հարակից օրենքների նախագծերի փաթեթը:
Առաջարկվում է Պետական պահպանության ծառայությունը ազգային անվտանգության ծառայության մարմիններից առանձնացնել և այն դարձնել առանձին մարմին:
«Քաղաքացիական պայմանագիր» խմբակցության պատգամավոր Արմեն Խաչատրյանը կարծիք հայտնեց, որ ՊՎԾ արդյունավետության բարձրացման հնարավոր չէ հասնել առանց դրամական խնդիրների բավարար լուծման։
«Այսինքն՝ աշխատավարձի բարձրացում պետք է լինի, որովհետև ՊՎԾ-ում գերծանրաբեռնված ռեժիմով են աշխատում, բայց համապատասխան աշխատավարձ չեն ստանում»,- նշեց պատգամավորը՝ հետաքրքրվեելով, թե օրենսդրական այս նախագծի ընդունումից հետո աշխատավարձի առումով ինչ փոփոխություններ են սպասվում։
Արմեն Գրիգորյանը պատասխանեց, որ նախատեսվում է նախ ինստիտուտի կարգավիճակ տալ ՊՎԾ-ին՝ արդյունավետությունը բարձրացնելու համար։ Նաև կա քաղաքական որոշում՝ անվտանգության համակարգի աշխատողների համար ատեստավորման և աշխատավարձերի բարձրացման համակարգ մտածել։ «Այս պահին աշխատում ենք ՊՎԾ աշխատակիցների աշխատավարձերը երկու անգամ, այսինքն՝ 100 տոկոսով ավելացնելու ուղղությամբ»,- վստահեցրեց ԱԽ քարտուղարը։
Մանրամասները՝ տեսանյութում։
