12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Politico-ն Պուտինին «տարվա անհաջողակ» է ճանաչել
Քաղաքականություն
08.12.2022 | 14:14
Ամերիկյան հեղինակավոր Politico պարբերականը Ռուսաստանի նախագահ Վլադիմիր Պուտինին ճանաչել է «տարվա անհաջողակ»։ Պատճառը նրա ձախողումն է ուկրաինական պատերազմում, ասվում է հրապարակման մեջ։
Նշվում է, որ մի շարք ռազմական գործողություններում պարտությունը հանգեցրել է Պուտինի հեղինակության կորստի ոչ միայն աշխարհում, այլև հենց Ռուսաստանի Դաշնությունում։
«Մեծ Ռուսաստանի մասին Վլադիմիր Պուտինի երազանքը դժվար թե իրականանա: Նրա լայնածավալ հարձակումն Ուկրաինայում սկսել է փլուզվել գրեթե նույնքան արագ, որքան սկսվեց։ Կիևին կարճ ժամանակով սպառնացող զորքերը հազիվ են պահում դիրքերը երկրի արևելքում: Հարյուր հազարավոր նոր զինվորների զորակոչելու նրա որոշումը ստիպեց զինվորական տարիքի տղամարդկանց լքել երկիրը»,- նշում են վարկանիշային աղյուսակը կազմողները:
Ռուսների նահանջը Խերսոնից Դնեպրի ձախ ափ պարբերականն ամոթալի է անվանել։ Բացի այդ, նշվում է, որ այս ֆիասկոն պառակտում է առաջացրել Ռուսաստանի Դաշնության կրեմլամետ քաղաքացիների ներսում, և Պուտինի վարկանիշն ընկել է ռեկորդային ցածր մակարդակի։
Իրավիճակն է՛լ ավելի սրվեց երկրում ռուսական զորքերի վիթխարի կորուստները լրացնելու նպատակով երկրում մոբիլիզացիայի հարկադիր հայտարարմամբ։ Լրագրողները նաև կարծում են, որ «Պուտինի՝ իր երազանքն իրականացնելու անկարողությունը չի նշանակում, որ նա այլևս մղձավանջ չի լինի Ռուսաստանի հարևան երկրների համար»։
Տաթև Ֆռանգյան
