07.06.2026 | 14:13
Ալեն Սիմոնյանը դստեր հետ մասնակցեց ընտրությանը․ ՏԵՍԱՆՅՈՒԹ
ԵՄ տարածքում անօրինական հաստատված վրացիների թիվն ավելացել է
Քաղաքականություն
07.12.2022 | 23:23
Եվրահանձնաժողովը հրապարակել է Եվրամիության հետ Արևմտյան Բալկանների և Արևելյան գործընկեր երկրների առանց վիզայի ռեժիմի վերանայման հինգերորդ զեկույցը, որում առանձին գլուխ է հատկացված նաև Վրաստանին, գրում է Aliq Media-ն։
Ըստ տվյալների՝ Վրաստանը առաջընթաց է գրանցել մի շարք ոլորտներում, անվտանգության առումով անդամ երկրների համագործակցությունը արդյունավետ է, կոռուպցիայի, կազմակերպված հանցավորության և ահաբեկչության դեմ պայքարը շարունակվում է, սակայն Վրաստանի վիզային քաղաքականությունը դեռևս չի համապատասխանում երրորդ երկրների ցանկին, որոնց քաղաքացիներին անհրաժեշտ է վիզա ԵՄ կարճատև այցերի համար։
Ըստ այդմ՝ Վրաստանն այս առումով առաջընթաց չի գրանցել 2021 թվականից, իսկ դատական համակարգի անկախությունը և նրա նկատմամբ հանրային վստահության մակարդակը շարունակում են խնդիր մնալ։
Հարկ է նշել, որ վիճակագրական տվյալների համաձայն՝ 2021 թվականին վրացիների կողմից սահմանի ապօրինի հատման 30 դեպք է գրանցվել։ Բացի այդ, 2021 թվականին ԵՄ անդամ երկրներում անօրինական մնացած վրացիների թիվը կազմել է 13 հազար, ինչը 28 տոկոսով ավելի է 2020 թվականի ցուցանիշից, իսկ Վրաստանի 3 105 քաղաքացու մուտքը մերժվել է, ինչը 50 տոկոսով ավել է նախորդ տարվա համեմատ։
