19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ՀԱՊԿ օգնության ընդունումը առանց հստակ գնահատականների կնշանակի հաստատված ստատուս-քվոյի ընդունում․ Փաշինյան․ ՏԵՍԱՆՅՈւԹ
Քաղաքականություն
07.12.2022 | 18:46
«Մեր ակնկալիքը եղել է երկու բան: Առաջինը՝ ֆիքսել, թե ՀՀ-ում որն է ՀԱՊԿ-ի պատասխանատվության գոտին: Սա սկզբունքային հարց է ճիշտ հարաբերություններ կառուցելու համար: Երկրորդ ակնկալիքը եղել է տեղի ունեցածին հստակ քաղաքական գնահատական տալը»,- ԱԺ-Կառավարություն հարցուպատասխանի ընթացքում նշեց ՀՀ վարչապետ Նիկոլ Փաշինյանը՝ անդրադառնալով Երևանում կայացած ՀԱՊԿ գագաթնաժողովին ու Հայաստանի ակնկալիքներին:
«Հիմա այս համատեքստում շատ շեշտվում է, որ օգնության է եղել, և մենք հրաժարվել ենք ինչ-որ օգնությունից: Սա շատ կարևոր է պարզաբանել։ Այնտեղ կա մի տող՝ ցուցաբերել օգնություն, այդ թվում՝ ռազմատեխնիկական՝ ՀՀ-ին: Նախ պարզ չէ, թե ի՛նչ օգնություն է առաջարկվում:
Երկրորդը՝ այդ օգնության ընդունումն առանց հստակ գնահատականների, կնշանակի անուղղակի և նույնիսկ ուղղակի ընդունում այն ստատուս քվոյի, որ հաստատված է մեր սահմաններում:
Առանց հստակ գնահատականի ընդունել մոնիթորինգի առաքելություն ՀԱՊԿ-ից այդ տարածքում, կնշանակի ուղղակի ֆիքսել ու համակերպվել ստատուս քվոյի հետ:
Օրինակ՝ Պրահայում տեղի ունեցավ, որ կողմերը հստակ արձանագրում են միմյանց տարածքային ամբողջականությունը Ալմա Աթայի 1991 թվականի հռչակագրի հիման վրա, որից հետո հնարավոր եղավ ԵՄ դիտորդական առաքելության գործուղումը ՀՀ»,- նշեց Փաշինյանը:
Մանրամասները՝ տեսանյութում։
