27.02.2026 | 10:27
Հայաստանն առաջին մեդալն է ապահովել Ստրանջայի մրցաշարում
Գերմանիան և Լեհաստանը պայմանավորվել են Patriot ՀՕՊ համակարգեր տեղակայել Ուկրաինայի հետ սահմանի մոտ
Քաղաքականություն
07.12.2022 | 19:06
Գերմանիան և Լեհաստանը երկրների պաշտպանության նախարարների մակարդակով համաձայնության են եկել Լեհաստանի տարածքում զենիթահրթիռային համակարգերի տեղակայման շուրջ։ Այս մասին հայտնել է Գերմանիայի նախարարների կաբինետը, գրում է ՌԻԱ Նովոստին։
«Երկու երկրների պաշտպանության նախարարները պայմանավորվել են, որ Լեհաստանը վերադառնում է ՀՕՊ համակարգերի վերաբերյալ ԳԴՀ-ի առաջարկին և համաձայնում է տեղակայմանը»,- Գերմանիայի կաբինետի ճեպազրույցի ժամանակ ասել է ՊՆ խոսնակ Առնե Կոլացը։
Սակայն մինչ տեղակայումը Լեհաստան կմեկնի փորձագետների խումբ, որը կդիտարկի նման հնարավորությունն անմիջապես ապագա տեղակայման վայրում, ինչպես նաև կգնահատի նման համակարգերի ինտեգրման հնարավորությունը հարևան երկրի պաշտպանական կառուցվածքում։
Ավելի վաղ Գերմանիայի կաբինետը չէր հաստատել Ուկրաինային Patriot հակաօդային պաշտպանության համակարգերի մատակարարման շուրջ Կիևի հետ բանակցությունները, բացառվել է նաև Լեհաստանով դրանց տեղափոխման հնարավորությունը։
Տաթև Ֆռանգյան
