30.10.2026 | 12:42
Ըմբշամարտի ԱԱ. Արսեն Հարությունյանը և Արման Անդրեասյանը պարտվեցին
ՀՀ-ն Ղարաբաղում որևէ զինված կազմավորում չունի․ Միրզոյան․ ՏԵՍԱՆՅՈՒԹ
Քաղաքականություն
07.12.2022 | 16:48
Լաչինի միջանցքի փակումը նոյեմբերի 9-ի հայտարարության կոպտագույն խախտում կլիներ, Ազգային ժողովում այս մասին հայտարարեց ՀՀ արտաքին գործերի նախարար Արարատ Միրզոյանը՝ հավելելով, որ ռուս խաղաղապահների հետ բանակցության արդյունքում հարցն արագ հարթվել է:
«Կարծում եմ, որ կողմերը կարող են իրար նկատմամբ դժգոհություններ կամ առաջարկներ ու պահանջարկներ ներկայացնել միայն այն պայմանավորվածությունների շրջանակում, որոնք ձեռք են բերվել ու արձանագրվել են բոլոր կողմերի կողմից և հանրահայտ են։
Իրավիճակը փխրուն է, հարցերը կարգավորված չեն ու նոր պահանջների ներկայացումը կարող է ուղղված լինել իրավիճակի սրացմանը, միտումնավոր, թե ոչ միտումնավոր, արդեն մեկնաբանությունների հարց է»,- նշեց արտգործնախարարը:
Արարատ Միրզոյանը նաև ընսդծեց, որ Հայաստանը ԼՂ տարածքում որևէ զինված կազմավորում, զորամիավորում չունի։
«ԼՂ-ն ունի պաշտպանության բանակ։ ՊԲ անվանումն ինքնին հուշում է այն մասին, որ բանակի առաքելությունը Լեռնային Ղարաբաղի հայության պաշտպանութունն է, և այս առաքելությունն այսօր առավել, քան երբևէ, պահանջված է: ԼՂ- հայության վրա շարունակում են կրակել, նրանց ենթարկում են տարատեսակ ճնշումների, գազն են փակում: Երբ որ կվերանան ԼՂ հայության էթնիկ զտումների վտանգը, այն ժամանակ, կարծում եմ, ԼՂ հայությունը կկարողանա քննարկել հնարավոր այլ սցենարներ։ Այս պահին կարող ենք արձանագրել ,որ գոյաբանական վտանգը կա»,- նշեց Միրզոյանը:
Մանրամասները՝ տեսանյութում։
