27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
Բելառուսը նախատեսում է մահապատիժ սահմանել պաշտոնյաների և զինվորականների համար պետական դավաճանության դեպքում
Քաղաքականություն
07.12.2022 | 18:33
Բելառուսում մահապատիժ կսահմանվի պաշտոնյաների և զինվորականների համար պետական դավաճանության դեպքում․ «Քրեական պատասխանատվության մասին օրենսգիրքը փոխելու մասին» օրինագիծն արդեն առաջին ընթերցմամբ ընդունվել է պատգամավորների կողմից։ Ինտերֆաքսի փոխանցմամբ՝ այս մասին հայտնել է Ազգային ժողովի ներկայացուցիչների պալատի մամուլի ծառայությունը։
«Քայքայիչ տարրերի վրա զսպող ազդեցություն գործելու, ինչպես նաև պետության նկատմամբ դավաճանության դեմ վճռական պայքար ցույց տալու համար նախագծով առաջարկվում է փոփոխել Քրեական օրենսգրքի 356-րդ հոդվածի 2-րդ մասը՝ նախատեսելով Պետության նկատմամբ պետական դավաճանության համար մահապատժի տեսքով բացառիկ պատիժ կիրառելու հնարավորությունը, որը կատարվել է պետական պաշտոն զբաղեցնող պաշտոնատար անձի կամ անձի կողմից, ում վրա տարածվում է զինվորականի կարգավիճակը»,- ասված է հաղորդագրության մեջ։
Օրինագիծը նաև մի շարք փոփոխություններ է մտցնում քրեական օրենսդրության դրույթներում՝ կապված Բելառուսի բանակը վարկաբեկող, տնտեսական և/կամ ռազմական անվտանգությանը վնաս պատճառող միտումնավոր կեղծ տեղեկությունների տարածման և այլնի հետ։
Նշենք, որ այս տարվա գարնանը Բելառուսում մահապատիժ սահմանվեց ահաբեկչության համար։
Տաթև Ֆռանգյան
