09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
«Հայաստան ենք բերել մի տեխնոլոգիա, որ աշխարհում նմանը չունի». երկրաշարժից 34 տարի անց
Տեսանյութեր
07.12.2022 | 12:34
ՀՀ Արտակարգ իրավիճակների նախարարությունն այսօր «Հիշատակի և դիմակայունության» թեմայով Սպիտակի երկրաշարժի օրվան նվիրված աշխատաժողով է կազմակերպել։ Աշխատաժողովի խորագիրն է ՝ «Անվտանգության մշակույթի զարգացում»-ը։
«Սեյսմիկ ռիսկի գլոբալ մոնիթորինգի միջազգային կենտրոն» ընկերության տնօրեն Սամվել Հակոբյանը ներկայացրեց «Սեյսմիկ ռիսկի մոնիթորինգի և կանխարգելման լուծումները՝ սեյսմիկ էնթրոպիայի մեթոդի հիման վրա։
«Մենք Հայաստան ենք բերել մի տեխնոլոգիա, որը ամբողջ աշխարհում նմանը չունի։
Բոլոր երկրներում, որտեղ վտանգավոր գոտիներ կան, զարգացնում են մեթոդներ, տեսություններ, տեխնոլոգիաներ, որոնք հնարավորություն են տալիս որոշ առումով նվազեցնել սեյսմիկ վտանգը։
Մեր տեխնոլոգիան չի հակասում առկա մեթոդներին, հակառակը՝ հնարավորություն է տալիս այդ մեթոդները զուգահեռաբար օգտագործելով՝ բարձրացնել այդ մեթոդների ճշտությունը և արդյունավետությունը։
Մեր տեխնոլոգիան գործում է ուրիշ հարթակում, որը չի խաչվում առկա մյուս մեթոդների հետազոտություների հետ։
Մեր տեխնոլոգիան հիմնված է նոր տեսության՝ սեյսմիկ էնթրոպիայի տեսության վրա՝ երկրաշարժերի կատալոգների հիման վրա, այսինքն՝ սեյսմոստատիստիկայի վրա։ Այս տեխնոլոգիան երկրաշարժերի կանխտեսման նոր մոտեցման հնարավորություն է տալիս»,- նշեց Հակոբյանը։
Մանրամասները տեսանյութում։
