11.01.2025 | 12:34
Խաչատրյանի անվան 21-րդ միջազգային մրցույթը կանցկացվի «դիրիժորություն» մասնագիտությամբ
Դուք դժբախտության մունետի՞կն եք, թե՞ ԱԺ ընդդիմությունը․ Կոնջորյանը՝ ընդդիմադիրներին․ ՏԵՍԱՆՅՈՒԹ
Քաղաքականություն
06.12.2022 | 18:18
Ի՞նչ եք ուզում դուք ասել, և ո՞ւմ եք ընդդիմանում․ ըստ երևույթին, դուք ընդդիմանում եք կյանքին։ Այս մասին ԱԺ նիստում դիմելով ընդդիմադիր պատգամավորներին և անդրադառնալով նրանց քննադատություններին, թե Ադրբեջանում զորավարժություններ են անում, մինչդեռ Հայաստանում՝ Եվրատեսիլ և տոնածառ, նշեց «Քաղաքացիական պայմանագիր» խմբակցության ղեկավար Հայկ Կոնջորյանը։
Նրա դիտարկմամբ՝ այդ քննադատությունը տիեզերական մասշտաբի սնանկություն է։
«Ձեր քաղաքական ուժն այն ուժն է, որը պատերազմում «բայրաքթարով»հայ զինվորներին խոցելու կադրերը դրել է իր նախընտրական քարոզարշավի տեսահոլովակի մեջ ու ամբողջ քարոզարշավի ընթացքում պտտեցրել է։ Հիմա դուք ի՞նչ բարոյական իրավունքով եք այստեղ խոսում այդ ամենի մասին։
Դուք Հայաստանում ժպիտ, տոն, կյանք, բերկրանք և հույս տվող ցանկացած գործողություն փորձում եք նսեմացնել բոլոր այն դժվարություններով, խնդիրներով ու դժբախտություներով, որը բոլորինս է ու բոլորով պետք է հաղթահարենք։
Դուք ինչո՞վ եք զբաղվում՝ ընդդիմադիր գործունեությա՞մբ, թե՞ մահվան վաճառականությամբ։ Դուք դժբախտության մունետի՞կն եք, թե՞ ՀՀ ԱԺ պատգամավոր եք»,- նշեց Կոնջորյանը։
Մանրամասները՝ տեսանյութում։
