09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Կոռեկտ ընտրեք բառապաշարը, հաջորդ անգամ կանջատեմ խոսափողը․ լեզվակռիվ՝ Վարդանյանի և Արշակյանի միջև․ ՏԵՍԱՆՅՈՒԹ
Հասարակություն
06.12.2022 | 17:53
ԱԺ նիստում «Հայաստան» խմբակցության պատգամավոր Աղվան Վարդանյանն այսօր ահազանգեց, որ սեպտեմբերի 13-ի ադրբեջանական ագրեսիայի հետևանքով զոհված Վահան Հակոբյանի ընտանիքն արդեն 3 ամիս է՝ չի կարողանում ստանալ զոհված զինծառայողի ընտանիքների համար օրենքով նախատեսված հատուցումը:
Պատգամավորը հայտնեց, որ զոհված զինծառայողի ընտանիքը Գեղարքունիքում է բնակվում, սոցիալապես ծանր վիճակում է գտնվում, տանը կա չորս անչափահաս երեխա, սակայն ընտանիքին գումարային աջակցություն չեն տրամադրում, քանի որ Վահանը և կինը՝ Նաիրան, ժամանակին չեն գրանցել իրենց ամուսնությունը:
Աղվան Վարդանյանը, դիմելով վարչապետին, Պաշտպանության և ՏԿԵ նախարարներին և Գեղարքունիքի մարզպետին, հորդորեց արագ լուծում տալ այդ խնդրին։
«Անջատվե՛ք տոնածառի և Եվրատեսիլի լուսերից, պոկե՛ք ձեր մի տեղը փափուկ աթոռներից, գնացե՛ք Արեգունի, այդ տուն, խոնարհվեք․․․ և արագ լուծեք այդ հարցը: Կարճ ժամանակ ունեք, եթե չարեցիք, ավելի լավ է՝ գետինը մտնեք»,- նշեց Վարդանյանը:
Նիստը վարող ԱԺ փոխնախագահ Հակոբ Արշակյանն առաջարկեց հաջորդ ելույթներին ավելի կոռեկտ բառապաշար ընտրել։
«Հաջորդ անգամ ես ստիպված կլինեմ անջատել ձեր խոսափողցը հենց առաջին իսկ ոչ կոռեկտ արտահայտության պարագայում»,- ասաց Արշակյանը։
Վարդանյանն արձագանքեց «Դուք չեք որոշում․․․ »։
Մանրամասները՝ տեսանյութում։
