Իսպանիայի հավաքականի հարձակվող Ալվարո Մորատան խոսել է ընթացիկ Աշխարհի առաջնությունում իր ակնկալիքների մասին. գրում է armsport-ը։
«Յուրաքանչյուր ոք, ով սիրում է ֆուտբոլը, կթողնի ամեն ինչ՝ դիտելու Կրիշտիանու Ռոնալդուի, Լիոնել Մեսսիի կամ Նեյմարի խաղը: Հույս ունեմ, որ եթե մեզ հետ նրանք հանդիպեն, դա իրենց լավագույն օրը չի լինի։
Կցանկանայի, որ Կրիշտիանուն աշխարհի չեմպիոն դառնար իր անհավանական կարիերայի պատճառով։ Ես նաև չէի տխրի, եթե Մեսսին կամ Նեյմարը հաղթեին Աշխարհի առաջնությունում։ Բայց ավելի լավ կլինի, եթե նրանք երեքով շնորհավորեն Իսպանիային հաղթանակի կապակցությամբ»,- ասել է Մորատան AS-ին։
Իսպանիայի հավաքականը կարող է Պորտուգալիայի հետ խաղալ արդեն 1/4 եզրափակչում, եթե թիմերն անցնեն համապատասխանաբար Մարոկկոյի և Շվեյցարիայի հավաքականներին 1/8 եզրափակչում։
