24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ընդդիմությունը միաժամանակ կա և չկա․ հանրային հետաքրքրության նախագիծ ենք քննարկում․ Կոնջորյան․ ՏԵՍԱՆՅՈՒԹ
Քաղաքականություն
06.12.2022 | 16:00
Ազգային ժողովի քառօրյա նիստում քննարկվում է եկամուտների համընդհանուր հայտարարագրման հարցը։ Ընդդիմադիր պատգամավորները չեն մասնակցում նիստին։
«Ընդդիմությունը չի մասնակցել այս հարցի հանձնաժողովների քննարկումներին, աշխատանքային քննարկումներին, չի մասնակցում լիագումար նիստերին»,- հայտարարեց ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
«Ընդդիմությունը տարբեր առիթներով սուր ճոճելով՝ ափալ-թափալ բերում է հայտարարությունների նախագծեր՝ հանրային հետաքրքրություն ներկայացնող նախագծերի անվան տակ՝ ասելով, որ իշխող խմբակցությունը պարտավոր է գալ և այս հանրային մեծ հետաքրքրություն ներկայացնող հարցը քննարկել: Բայց այս նախագիծը, որը քննարկում ենք, այս խորհրդարանում, երևի ամենամեծ հանրային հետաքրքրություն ունեցած նախագծերից մեկն էր: 2025 թվականին 2 միլիոնից ավելի մարդ պետք է հայտարարագրվի: Սրանից ավելի մեծ հանրային հետաքրքրություն ունեցող նախագիծ դժվար եմ պատկերացնում, բայց այն անցկացնում ենք ընդդիմության բացակա աթոռների հետ դեմ հանդիման:
Հիմա մենք չենք հասկանում՝ ընդդիմությունը խորհրդարան վերադարձե՞լ է, թե՞ ոչ: Մի փիլիսոփայական գլուխկոտրուկի առջև ենք բոլորս կանգնել՝ ընդդիմությունը միաժամանակ կա և չկա: Սա պատասխանատվության դասական օրինակ է, երբ դու օժտված ես այն մարդկանց մանդատով, որի իրավունքները պետք է պաշտպանես, բայց դու այնտեղ չես: Մեր գործընկերները ստիպված սկսում են քննադատական բանավեճեր ծավալել, որպեսզի թեման հետաքրքիր լինի մեզ ու մեր հայրենակիցների համար»,- նշեց Կոնջորյանը:
Մանրամասները՝ տեսանյութում։
