30.10.2026 | 10:25
Իսրայելի խորհրդարանական ընտրությունների արդյունքներով ոչ մի քաղաքական դաշինք մեծամասնություն չի ստացել
ՌԴ-ն շարունակել է Ուկրաինայում հարձակողական գործողությունները
Քաղաքականություն
06.12.2022 | 15:58
Բախմուտի և Ավդեևկայի ուղղություններով ՌԴ-ն շարունակում է հարձակողական գործողությունները։ Այս մասին հայտարարել է Ուկրաինայի ԶՈՒ Գլխավոր շտաբը, գրում է korrespondent-ը։
Նշվում է, որ ՌԴ-ն ակտիվորեն օգտագործում է ավիացիան՝ իր ցամաքային խմբավորումների գործողություններին աջակցելու համար։
Ուկրաինայի Գլխավոր շտաբից հայտնել են նաև, որ անցած օրվա ընթացքում Ուկրաինայի ՊԲ ստորաբաժանումները հետ են մղել զավթիչների գրոհները Դոնեցկի մարզի Վերխնեկամենսկոյե, Բախմուտ, Անդրեևկա, Յակովլևկա, Սոլեդար, Կուրդյումովկա, Կրասնոգորովկա բնակավայրերի հատվածներում։
Կիևը զգուշացնում է, որ Ուկրաինայի կենսական նշանակություն ունեցող ենթակառուցվածքները շարունակում են մնալ ռուսական հարվածների թիրախում, և առաջիկայում հովհարային անջատումները կարող են կրկնվել երկրի մի շարք շրջաններում։
Տաթև Ֆռանգյան
