15.01.2025 | 16:56
Իմ պաշտոնավարման ժամանակ չի եղել. Պապիկյանը` զորքերը հետ քաշելու մասին․ ՏԵՍԱՆՅՈՒԹ
Ձեր կյանքում թանկարժեք կտավ տեսե՞լ եք, տիկին Բադալյան․ Ռուբինյանը կատակեց․ ՏԵՍԱՆՅՈՒԹ
Քաղաքականություն
06.12.2022 | 14:38
Ազգային ժողովի նիստում քննարկում է եկամուտների համընդհանուր հայտարարագրման հարցը։
Անդրադառնալով «Քաղաքացիական պայմանագիր» խմբակցության պատգամավոր Բաբկեն Թունյանի դիտարկմանը, թե մարդը կարող է 100 հազար դրամ ստանալ, բայց տանը Սարյանի կտավ ունենալ, նույն խմբակցության պատգամավոր Գուրգեն Արսենյանն արձագանքեց․ «Հո մարդիկ կրակը չե՞ն ընկել, որ տանը կտավ ունեն»։ Արսենյանը հայտարարեց, որ պատին կախված նկարը երբեմն թանկանում է, երբեմն՝ էժանանում:
Պատգամավորն ընդգծեց, որ համընդհանուր հայտարարագրման համակարգի ներդրումը գործիք է, որը պետք է ծառայի որոշակի նպատակների, և հորդորեց այլ հիմնավորումներով առաջնորդվել։
Արսենյանի դիտարկմամբ՝ սոցիալական արդարության գաղափարախոսությունը գրավիչ է բայց արդյունավետ չէ։ «Սոցիալական արդարության լավագույն ուծումը ոչ թե հարստության վերաբաշխումն է, այլ հարստություն ստեղծելը, այսինքն՝ ոչ թե հարուստներին աղքատացնելն է, այլ աղքատներին հարստացնելը»,- նշեց պատգամավորը։
Իր ելույթում «Քաղաքացիական պայմանագիր» խմակցության պատգամավոր Լուսինե Բադալյանը, կարևորելով սոցիալական համերաշխությունը, նշեց, որ այն չպետք է դիտարկել որպես կուլակաթափության հոմանիշ։
Բադալյանը հիմնավոր համարեց Բաբկեն Թունյանի կողմից նախագծի հիմնավորումը՝ թանկարժեք կտավի օրինակը բերելով:
Նիստը նախագահող ԱԺ նախագահի տեղակալ Ռուբեն Ռուբինյանը հեգնանքով ափսոսանք հայտնեց, որ ընդդիմությունը չի մասնակցում քննարկմանը՝ նշելով, թե նրանք թանկարժեք նկարների վերաբերյալ ասելիք կունենային:
«Տիկին Բադալյան, ձեր կյանքում թանկարժեք կտավ տեսե՞լ եք, որ քննարկում եք»,- կատակեց Ռուբինյանը։
Մանրամասները՝ տեսանյութում։
