27.06.2026 | 18:27
Կոշտ քաղաքական խոսույթը ատելության խոսք չէ ու չի կարող արդյունքներն անվավեր ճանաչելու հիմք լինել. Սրբուհի Գալյան․ ՏԵՍԱՆՅՈւԹ
Պեսկովը հայտարարել է, որ «Ռուսաստանը պետք է և կհասնի իր նպատակներին»
Քաղաքականություն
06.12.2022 | 16:22
Ռուսաստանը կհասնի Ուկրաինայում «հատուկ ռազմական գործողության» նպատակներին։ Նման հայտարարությամբ է հանդես եկել ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ռուսաստանը պետք է և կհասնի իր նպատակներին»,- լրագրողների հետ զրույցում ասել է Կրեմլի խոսնակը։
«Այն, որ տեղի ունեցողի արդյունքը պետք է լինի արդար, երկարաժամկետ խաղաղությունը, մենք կարող ենք համաձայնել դրա հետ»,- ասել է Պեսկովը՝ մեկնաբանելով ԱՄՆ պետքարտուղար Էնթոնի Բլինքենի հայտարարությունները, թե Միացյալ Նահանգները կցանկանար «երկարատև խաղաղություն, ոչ թե ձևական զինադադար», և որ Ուկրաինայում իրավիճակը, հավանաբար, կլուծվի Մոսկվայի և Կիևի միջև խաղաղ բանակցությունների միջոցով։
«Ինչ վերաբերում է ինչ-որ բանակցությունների հեռանկարներին, ապա մենք դրանք այս պահին չենք տեսնում»,- ընդգծել է ՌԴ ղեկավարի մամուլի քարտուղարը՝ հավելելով, որ Մոսկվան այս մասին բազմիցս խոսել է։
Հարցին, թե ի՞նչ պետք է տեղի ունենա բանակցությունների հեռանկարներ ստեղծելու համար, Կրեմլի խոսնակը պատասխանել է, որ «հատուկ ռազմական գործողության նպատակներին պետք է հասնել»։
Տաթև Ֆռանգյան
