25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ուկրաինայում կրկին արտակարգ հոսանքազրկումներ կլինեն
Քաղաքականություն
06.12.2022 | 18:09
«Ուկրէներգո» ընկերությունը զգուշացրել է սպառողներին Ուկրաինայի մարզերում էլեկտրաէներգիայի նոր վթարային անջատումների մասին՝ կապված արտադրական հզորությունների ժամանակավոր կրճատման հետ, գրում է BBC-ի ռուսական ծառայությունը։
«Մի շարք էլեկտրակայաններ որոշ ժամանակ չեն կարողանա աշխատել ամբողջ հզորությամբ, ինչը, զուգակցվելով առաջիկա օրերին սառնամանիքների ուժեղացման հետ, կհանգեցնի համակարգում դեֆիցիտի ավելացման։ Ռեսուրսի արտադրության և սպառման միջև հավասարակշռությունը պահպանելու համար Ուկրաինայի բոլոր շրջաններում արտակարգ անջատման ռեժիմ է սահմանվելու»,- ասվում է ընկերության հաղորդագրությունում։
Առաջին հերթին էլեկտրաէներգիա կմատակարարվի կարևոր ենթակառուցվածքային օբյեկտներին՝ հիվանդանոցներին, ջրամատակարարման ծառայություններին, կաթսայատներին։
Երկուշաբթի, ռուսական հերթական հրետակոծությունից հետո, Կիևում և Ուկրաինայի տասը այլ շրջաններում արդեն իսկ արտակարգ անջատումներ էին գրանցվել։
Տաթև Ֆռանգյան
