06.05.2024 | 17:57
Հայաստանի և ԱՄՆ-ի միջև առաջին շտաբային բանակցություններն են անցկացվել
Թուրքիայի և Ադրբեջանի ՊՆ ղեկավարները հետևել են թուրք-ադրբեջանական համատեղ զորավարժություններին
Քաղաքականություն
06.12.2022 | 15:04
Թուրքիայի ազգային պաշտպանության նախարար Հուլուսի Աքարը և Ադրբեջանի պաշտպանության նախարար Զաքիր Հասանովը հետևել են թուրք-ադրբեջանական համատեղ զորավարժություններին, հաղորդում են ադրբեջանական լրատվամիջոցները՝ հղում անելով Պաշտպանության նախարարությանը։
Նշվում է, որ Ադրբեջանի և Թուրքիայի միջև կնքված ռազմական ոլորտում համագործակցության համաձայնագրի համաձայն՝ անցկացվում են ադրբեջանա-թուրքական համատեղ զորավարժություններ։
Հիշեցնենք, որ ավելի վաղ Ադրբեջանի Պաշտպանության նախարարությունը հայտարարել էր, որ մեկնարկել են ադրբեջանա-թուրքական հերթական համատեղ զորավարժությունները։ Վարժանքներն անցկացվում են Իրանի սահմանին՝ Բաքվի, Աստարայի, Ջրականի և Իմիշլիի շրջաններում։
Ըստ պաշտոնական հաղորդագրության՝ զորավարժություններն ընթանում են մարտական և հատուկ ինժեներասակրավորական տեխնիկայի, ինչպես նաև Ադրբեջանի բանակի և Թուրքիայի զինված ուժերի ռազմական ավիացիայի ներգրավմամբ։
Տաթև Ֆռանգյան
