07.06.2026 | 13:26
Էդմոն Մարուքյանը քվեարկում է ԱԺ ընտրություններում. ՈՒՂԻՂ
Pfizer-ը և BioNTech-ն արտոնագրային հայց են ներկայացրել Moderna-ի դեմ
Քաղաքականություն
06.12.2022 | 18:56
Ամերիկյան Pfizer Inc. և նրա գերմանական գործընկեր BioNTech SE-ն արտոնագրային հայց են ներկայացրել՝ Ամերիկյան Moderna Inc.-ի նախաձեռնությամբ Բոստոնի դաշնային դատարանում վարույթը կարճելու, ինչպես նաև COVID-19-ի դեմ պատվաստանյութի՝ ընկերության արտոնագրային փաստաթղթերն անվավեր ճանաչելու պահանջով: Pfizer Inc.-ի ներկայացուցիչը հայտարարել է, որ ընկերությունը, ինչպես նաև BioNTech-ը վստահ են իրենց մտավոր սեփականության հարցում և «խստորեն կպաշտպանվեն» Moderna Inc․-ի պահանջներից, գրում է DW-ի ռուսական ծառայությունը։
Moderna Inc.-ում այս առնչությամբ դեռևս մեկնաբանություններ չեն արվել:
Ամերիկյան բիոտեխնոլոգիական ընկերությունը՝ Moderna Inc.-ը, որի համահիմնադիրն ու նախագահը Նուբար Աֆեյանն է, օգոստոսի 26-ին հայտարարեց Pfizer Inc.-ի և BioNTech SE-ի դեմ դատական հայց ներկայացնելու մասին՝ այդ ընկերություններին մեղադրելով Comirnaty պատվաստանյութի մշակման ընթացքում իր մշակումներն օգտագործելու մեջ, որը Moderna Inc.-ը համարում է իր արտոնագրված սեփականությունը: Հայցերը ներկայացվել են Բոստոնի Մասաչուսեթսի շրջանային դատարան և Դյուսելդորֆի բարձրագույն շրջանային դատարան։
Moderna Inc.-ի դիրքորոշման համաձայն՝ COVID-19-ի դեմ Comirnaty-ի պատվաստանյութը, որը մշակվել է ամերիկյան Pfizer Inc.-ի կողմից՝ գերմանական BioNTech SE-ի հետ միասին, խախտում է ընկերության արտոնագրերը mRNA պատվաստանյութերի «հիմնական տեխնոլոգիայի» վերաբերյալ, որոնք գրանցվել են 2010-ից 2016 թվականներին, ինչպես նաև արտոնագրված մշակումները կորոնավիրուսի հետազոտությունների ոլորտում:
Ըստ հայցվորի՝ Pfizer Inc.-ը և BioNTech SE-ն ստեղծել են իրենց պատվաստանյութը Moderna Inc.-ի մշակումների շնորհիվ և միտումնավոր, մի շարք թեստերից հետո, ընկերությունը գերադասել են դրանք այլ տարբերակներից։ Դրա պատճառով դեղագործական հսկաների դուետը կարողացել է ստեղծել իր պատվաստանյութն աշխարհում առաջիններից մեկը:
Տաթև Ֆռանգյան
