20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Արայիկ Հարությունյանը Ֆրանսիայում հանդիպել է Իլ դը Ֆրանս մարզի նախագահին
Քաղաքականություն
06.12.2022 | 11:44
Իլ դը Ֆրանս մարզի նախագահ, նախկին նախարար Վալերի Պեկրեսը թվիթերի իր միկրոբլոգում արված գրառմամբ հայտնել է, որ ընդունել է Արցախի Հանրապետության նախագահ Արայիկ Հարությունյանի գլխավորած պատվիրակությանը։
«Հանդիպեցի Արցախի Հանրապետության նախագահի հետ, վերահաստատեցի իմ համերաշխությունն ու իմ աջակցությունը Հայաստանի և Լեռնային Ղարաբաղի հայությանը: Հարավային Կովկասում խաղաղությունն ու կայունությունը պայմանավորված են Լեռնային Ղարաբաղի հակամարտության խաղաղ կարգավորմամբ»,- գրել է Պեկրեսը։
Արայիկ Հարությունյանի գլխավորած պատվիրակության կազմում, ի թիվս այլ պաշտոնյաների, Ֆրանսիա է մեկնել նաև ԱՀ ԱԳ նախարարի պաշտոնակատար Դավիթ Բաբայանը։
Հյուրերին ուղեկցել է Ֆրանսիայում ՀՀ դեսպան Հասմիկ Տոլմաջյանը, Եվրասիայի Հայ ավետարանչական ընկերակցության ներկայացուցիչ և միության նախագահ, վերապատվելի Ռընե Լևոնյանը։
Անահիտ Խաչատրյան
