09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Չնայած պատժամիջոցներին՝ ՌԴ-ն վերջերս թևավոր նոր հրթիռներ է արտադրել․ NYT
Քաղաքականություն
06.12.2022 | 13:40
Թևավոր հրթիռների մի մասը, որոնք Ռուսաստանն արձակել է Ուկրաինայի քաղաքացիական ենթակառուցվածքի վրա նոյեմբերի վերջին, արտադրվել են Արևմուտքի կողմից պատժամիջոցներ կիրառելուց ամիսներ անց, որոնք կոչված են զրկել Մոսկվային զենքի արտադրության համար անհրաժեշտ բաղադրիչներից, հաղորդում է New York Times-ը:
Նման եզրահանգման են եկել Conflict Armament Research-ի փորձագետները՝ անկախ խումբ, որը հիմնված է Մեծ Բրիտանիայում, և որը նույնականացնում ու հետևում է պատերազմներում օգտագործվող զենքերն ու զինամթերքները:
Նոյեմբերին՝ մինչ ռուսական հրթիռակոծությունները Ուկրաինայի իշխանությունների հրավերով Կիև է ժամանել փորձագետների մի փոքր խումբ։
Նրանք ուսումնասիրել են Х -101 թևավոր հրթիռների բեկորները, որոնք հայտնաբերվել են Կիևում նոյեմբերի 23-ին ռուսական հարձակումից հետո, որը հանգեցրել է Ուկրաինայում էլեկտրաէներգիայի զանգվածային անջատումների։ Երկուշաբթի օրը հրապարակված խմբավորման զեկույցի համաձայն, հրթիռներից մեկն արտադրվել է այս ամառ, իսկ մյուսն ավարտվել է սեպտեմբերից հետո, ինչի մասին վկայում են դրա վրա առկա գծանշումները։
Ըստ Conflict Armament Research-ի փորձագետի՝ այն փաստը, որ Ռուսաստանը շարունակում է արտադրել առաջադեմ կառավարվող հրթիռներ, ինչպիսին է Х-101-ը, վկայում է այն մասին, որ Մոսկվան գտել է կիսահաղորդիչներ և այլ սարքավորումներ ձեռք բերելու ուղիներ՝ չնայած պատժամիջոցներին, կամ որ բաղադրիչների զգալի պաշարներ է ունեցել մինչ պատերազմի սկիզբը։
Տաթև Ֆռանգյան
