17.08.2026 | 23:08
Զորականում և Ամասիայում շչակներ են փորձարկվելու
ՌԴ-ում ԱԹՍ-ի հարվածի է ենթարկվել ևս մեկ ռազմական օդանավակայան
Քաղաքականություն
06.12.2022 | 11:22
Կուրսկի ռազմական օդանավակայանի տարածքում անօդաչու թռչող սարքի հարձակման հետևանքով հրդեհ է բռնկվել նավթի պահեստավորման բաքում, հայտնել է Կուրսկի նահանգապետ Ռոման Ստարովոյտը, փոխանցում է BBC-ի ռուսական ծառայությունը։
«Տուժածներ չկան, հրդեհը տեղայնացվում է, տեղում աշխատում են բոլոր հատուկ ծառայությունները»,- գրել է Ստարովոյտը Telegram-ի իր ալիքում։
Հիշեցնենք՝ երկուշաբթի առավոտյան ՌԴ պաշտպանության նախարարությունը հայտնել էր, որ ուկրաինական անօդաչու թռչող սարքերը հարվածել են առաջնագծից հարյուրավոր կիլոմետրեր հեռավորության վրա գտնվող ռուսական երկու ռազմական օդանավակայանների։ Ըստ պաշտոնական տվյալների՝ Ռյազանի մերձակայքում գտնվող Դյագիլևո օդանավակայանի վրա հարձակման հետևանքով զոհվել է 3 և վիրավորվել՝ 4 զինծառայող, իսկ Էնգելսի օդանավակայանում տեղի ունեցած պայթյունը «վնասել է երկու ինքնաթիռի կորպուս»։
