30.10.2026 | 14:01
CENTCOM-ի ղեկավարն անձամբ Թրամփին զեկուցել է Իրանի ուղղությամբ հնարավոր հարվածների տարբերակների մասին
Զասը հայտարարել է, որ Եվրասիայում անվտանգությունը կախված կլինի «Ուկրաինայում ռուսական հատուկ գործողության արդյունքից»
Քաղաքականություն
05.12.2022 | 16:27
Արևելյան Եվրոպայում և ամբողջ Եվրասիայում անվտանգությունը կախված կլինի Ուկրաինայում Ռուսաստանի Դաշնության «հատուկ ռազմական գործողության» արդյունքից և դրան հաջորդող պայմանավորվածություններից։ Այս մասին հայտարարել է ՀԱՊԿ գլխավոր քարտուղար Ստանիսլավ Զասը Մոսկվայում կայացած կազմակերպության Խորհրդարանական վեհաժողովի նիստում, փոխանցում է ՏԱՍՍ-ը։
«Անվտանգության վիճակն Արևելյան Եվրոպայի տարածաշրջանում և ամբողջությամբ եվրասիական տարածքում, հավանաբար, նաև միջազգային անվտանգության ողջ ճարտարապետությունը մեծապես կախված կլինեն հատուկ ռազմական գործողության արդյունքից և դրա արդյունքում ձեռք բերված խաղաղության համաձայնագրերից»,- ասել է նա։
Զասը հավելել է, որ Արևելյան Եվրոպայի տարածաշրջանում լարվածության ահռելի աճ է նկատվում։
«Նկատվում է ամբողջ տարածաշրջանի ռազմականացում»,- ընդգծել է ՀԱՊԿ գլխավոր քարտուղարը։
Տաթև Ֆռանգյան
