17.08.2026 | 23:08
Զորականում և Ամասիայում շչակներ են փորձարկվելու
ՌԴ Սարատովի մարզի ավիաբազայի վրա ԱԹՍ է ընկել․ վնասվել է երկու ռմբակոծիչ
Քաղաքականություն
05.12.2022 | 14:39
ՌԴ Սարատովի մարզում դեկտեմբերի 5-ի առավոտյան անհայտ սարք է ընկել ավիաբազայի թռիչքուղու վրա։ Այս մասին հայտնել է Baza-ն՝ չհստակեցնելով տեղեկատվության աղբյուրը, գրում է Meduza-ն։
Նշվում է, որ անօդաչու թռչող սարքն ընկել է Էնգելս քաղաքի մոտակայքում գտնվող ավիաբազայում։ Ըստ տեղեկությունների՝ վնասվել են երկու Տու-95 ռմբակոծիչներ։ Վիրավորվել է երկու զինծառայող, նրանք հոսպիտալանացվել են։
Համացանցում նաև տեսանյութեր են հայտնվել, որոնցում, ըստ պնդումների, Էնգելսի ավիաբազայի վրա հարձակումն է։
Սարատովի մարզի նահանգապետ Ռոման Բուգարսինը հայտարարել է, որ Էնգելսի շրջանում «ռազմական օբյեկտներում տեղի ունեցած միջադեպերի մասին տեղեկությունները ստուգվում են իրավապահ մարմինների կողմից»։ Նա նշել է, որ «քաղաքի բնակելի թաղամասերում ոչ մի արտակարգ դեպք տեղի չի ունեցել»։
ՌԴ ՊՆ-ն միջադեպի մասին դեռևս մեկնաբանություն չի արել։
Էմմա Չոբանյան
