27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Հյուսիսային Կորեան կրակել է Ճապոնական և Դեղին ծովերի ուղղությամբ
Քաղաքականություն
05.12.2022 | 13:52
Հյուսիսային Կորեան 130 հրետանային արկ է արձակել Ճապոնական և Դեղին ծովերի ուղղությամբ՝ խախտելով 2018 թվականի միջկորեական ռազմական համաձայնագիրը սահմանամերձ շրջաններում լարվածությունը նվազեցնելու վերաբերյալ: Այս մասին հայտնում է Yonhap-ը՝ վկայակոչելով Հարավային Կորեայի շտաբների պետերի միացյալ ծառայությունը։
Հաղորդվում է, որ ԿԺԴՀ-ն երկուշաբթի ժամը 14։59-ին շուրջ 130 հրետանային կրակոց է արձակել Գանգվոնդո և Հվանհաե-Նամդո նահանգներից Ճապոնական և Դեղին ծովերի ուղղությամբ։ Ենթադրաբար կրակոցներն արձակվել են MLRS-ից։
Հարավային Կորեայի զինվորականներն անհապաղ մի շարք հաղորդագրություններ են հղել հյուսիսկորեական կողմին՝ պահանջելով անհապաղ դադարեցնել «սադրանքները», որոնք խախտում են միջկորեական ռազմական պայմանագիրը, որը ենթադրում է բոլոր սադրիչ և թշնամական գործողությունների դադարեցում միջկորեական սահմանի մոտ գտնվող տարածքներում։
Տաթև Ֆռանգյան
