27.02.2026 | 12:00
Աննա Հակոբյանը հեռանում է կառավարական առանձնատնից // Զինվորի մահվան դեպքով ձերբակալված կա. ԼՈՒՐԵՐ
ՌԴ-ում հերթական ռազմական ինքնաթիռն է կործանվել
Քաղաքականություն
02.12.2022 | 20:49
Պրիմորսկի երկրամասում ՄիԳ-31 կործանիչ է աղետի ենթարկվել։ ՌԴ ՊՆ-ի տվյալներով՝ թռիչքը ուսումնական է եղել։
Կործանված ինքնաթիռի անձնակազմը կատապուլտի միջոցով կարողացել է փրկվել։ Կործանիչը թռիչքից շատ չանցած ընկել է անտառապատ տարածքում՝ Ալեքսեևկա գյուղի մոտ գտնվող ամայի վայրում՝ Վլադիվոստոկից մոտ 60 կմ հյուսիս։
Հաղորդվում է, որ թռիչքն իրականացվել է առանց զինամթերքի։
«Նախնական տեղեկություններով՝ միջադեպի պատճառ կարող էր լինել տեխնիկական անսարքությունը»,- ՏԱՍՍ-ին հայտնել են Արեւելյան ռազմական օկրուգի մամուլի ծառայությունից։ Պատերազմի սկզբից ի վեր սա ռուսական կործանիչների առաջին վթարը չէ, սակայն, ըստ ՌԴ ՊՆ-ի, բոլոր անհաջող թռիչքները ոչ թե մարտական են եղել, այլ ուսումնական։
Ապրիլին Լենինգրադի մարզում կործանվեց ՄիԳ-31․ որպես կործանման պատճառ նշվել էր տեխնիկական անսարքությունը։ Սեպտեմբերին ՌԴ տարբեր մարզերում յոթ Սու-34 կործանիչներ են կործանվել՝ ըստ «Վերստկա» հրատարակության տվյալների։ Ավիավթարներից ամենածանր հետևանքներ ունեցել էր հոկտեմբերի 17-ին Եյսկում Սու-34-ի կործանումը. ինքնաթիռը հարվածել էր բանակելի շենքի, ինչի հետևանքով զոհվել էր 15 մարդ։
Տաթև Ֆռանգյան
